30.33C Vancouver 30.33C VancouverJul 31, 2025 9:30 PM - Pervez Sandhu
ਸਰੀ ਦੇ ਵਿੱਚ ਨਿਊਟਨ ਐਥਲੈਟਿਕ ਪਾਰਕ ਵਿਖੇ ਸਰੀ ਓਪਨ ਟੈਨਿਸ ਟੂਰਨਾਮੈਂਟ ਦਾ ਰਸਮੀ ਉਦਘਾਟਨ ਸ਼ੁੱਕਰਵਾਰ ਸ਼ਾਮ ਨੂੰ ਹੋਵੇਗਾ, ਪਰ ਟੂਰਨਾਮੈਂਟ ਦੇ ਪ੍ਰੀਲਿਮਨਰੀ ਮੁਕਾਬਲਿਆਂ ਦੀ ਸ਼ੁਰੂਆਤ ਵੀਰਵਾਰ ਸ਼ਾਮ ਤੋਂ ਹੋਣ ਜਾ ਰਹੀ ਹੈ।
ਅੱਜ ਤੋਂ ਸ਼ੁਰੂ ਹੋ ਰਿਹਾ ਸਰੀ ਓਪਨ ਟੂਰਨਾਮੈਂਟ 10 ਅਗਸਤ ਤਕ ਜਾਰੀ ਰਵੇਗਾ।
ਟੂਰਨਾਮੈਂਟ 'ਚ ਬੀ.ਸੀ. ਸਮੇਤ ਦੇਸ਼ ਭਰ ਤੋਂ ਹੀ ਨਹੀਂ ਬਲਕਿ ਅਮਰੀਕਾ ਤੋਂ ਵੀ ਖਿਡਾਰੀ ਹਿੱਸਾ ਲੈਂਦੇ ਵਿਖਾਈ ਦੇਣਗੇ।
ਟੂਰਨਾਮੈਂਟ 'ਚ ਕੁੱਲ 700 ਦੇ ਕਰੀਬ ਖਿਡਾਰੀ ਹਿੱਸਾ ਲੈਂਦੇ ਵਿਖਾਈ ਦੇਣਗੇ।
ਟੂਰਨਾਮੈਂਟ ਦਾ ਪ੍ਰਬੰਧ ਨਿਊਟਨ ਟੈਨਿਸ ਕਲੱਬ ਵੱਲੋਂ ਕੀਤਾ ਜਾ ਰਿਹਾ ਹੈ ਅਤੇ ਟੂਰਨਾਮੈਂਟ ਦੌਰਾਨ ਮੁਫਤ ਖਾਣੇ ਦੀ ਸੁਵਿਧਾ ਵੀ ਉਪਲਬਧ ਹੋਵੇਗੀ।
ਟੂਰਨਾਮੈਂਟ ਦੀ ਇਨਾਮੀ ਰਾਸ਼ੀ ਕੁੱਲ 45,000 ਡਾਲਰ ਦੀ ਹੈ ਅਤੇ ਇਸ 'ਚ ਪੁਰਸ਼ਾਂ ਅਤੇ ਔਰਤਾਂ ਦੇ ਸਿੰਗਲਸ ਮੁਕਾਬਲਿਆਂ ਦੇ ਜੇਤੂ ਖਿਡਾਰੀਆਂ ਨੂੰ ਰੈਂਕਿੰਗ ਅੰਕ ਹੀ ਨਹੀਂ ਬਲਕਿ ਵੱਡੀ ਇਨਾਮੀ ਰਾਸ਼ੀ ਵੀ ਹਾਸਿਲ ਹੋਵੇਗੀ।
ਪ੍ਰਬੰਧਕਾਂ 'ਚ ਸ਼ਾਮਿਲ ਪਵਨ ਸਾਹਨੀ ਦਾ ਕਹਿਣਾ ਹੈ ਕਿ ਰੈਂਕਿੰਗ ਅੰਕਾਂ ਅਤੇ ਇਨਾਮੀ ਰਾਸ਼ੀ ਦੇ ਕੰਬੀਨੇਸ਼ਨ ਸਦਕਾ ਬੇਹਤਰੀਨ ਟੈਨਿਸ ਵੀ ਵੇਖਣ ਨੂੰ ਮਿਲਦੀ ਹੈ।
