16.18C Vancouver 16.18C VancouverJun 3, 2021 8:31 PM -
ਈਸਟ ਵੈਨਕੂਵਰ 'ਚ ਸੈਂਕੜੇ ਲੋਕ ਇਕੱਤਰ ਹੋਏ ਅਤੇ ਕੈਮਲੂਪਸ ਕੋਲ ਇੱਕ ਸਾਬਕਾ ਰੈਜ਼ੀਡੈਂਸ਼ੀਅਲ ਸਕੂਲ 'ਚ ਦਫਨ ਮਿਲੇ 215 ਬੱਚਿਆਂ ਨੂੰ ਯਾਦ ਕੀਤਾ ਅਤੇ ਸ਼ੋਕ ਜ਼ਾਹਿਰ ਕੀਤਾ।
ਇਸ ਈਵੈਂਟ ਨੂੰ 'ਰੀਮੈਂਬਰ ਦ ਚਿਲਡਰਨ' ਦਾ ਨਾਮ ਦਿੱਤਾ ਗਿਆ ਸੀ।
ਬੀ.ਸੀ. ਅਸੈਂਬਲੀ ਆਫ ਫਰਸਟਨ ਵੱਲੋਂ ਅੱਜ ਸਵੇਰੇ ਇੱਕ ਬਿਆਨ ਜਾਰੀ ਕੀਤਾ ਗਿਆ ਅਤੇ ਦੱਸਿਆ ਕਿ ਟੈਹਕਮਲੂਪਸ ਸੂਵੈਟਮਕ ਫਰਸਟ ਨੇਸ਼ਨ ਚਹੁੰਦਾ ਹੈ ਕਿ ਲੋਕ ਆਪਣੀਆਂ ਲੋਕਲ ਕਮਿਊਨਿਟੀਸ ਵਿੱਚ ਹੀ ਇਸ ਪ੍ਰਕਾਰ ਦੇ ਮੈਮੋਰੀਅਲ ਈਵੈਂਟਸ ਦਾ ਪ੍ਰੰਬੰਧ ਕਰਨ ਅਤੇ ਇਸ ਦੇ ਲਈ ਕੈਮਲੂਪਸ ਦੀ ਯਾਤਰਾ ਨਾ ਕਰਨ।
ਉਨ੍ਹਾਂ ਦੱਸਿਆ ਕਿ ਫਰਸਟ ਨੇਸ਼ਨ ਹਾਲ ਦੀ ਘੜੀ ਇਸ ਸਦਮੇ ਨਾਲ ਜੂਝ ਰਿਹਾ ਹੈ ਅਤੇ ਉਨ੍ਹਾਂ ਨੂੰ ਸਮਾਂ ਚਾਹੀਦਾ ਹੈ ਜਿਸ ਤੋਂ ਬਾਅਦ ਇਲਾਕੇ 'ਚ ਵਿਜ਼ਿਟਰਸ ਦਾ ਸਵਾਗਤ ਕੀਤਾ ਜਾ ਸਕੇਗਾ।
ਉਨ੍ਹਾਂ ਕਿਹਾ ਕਿ ਕੁਝ ਸਮੇਂ ਬਾਅਦ ਸੁਰੱਖਿਅਤ ਤਰੀਕੇ ਨਾਲ ਉਸ ਜਗ੍ਹਾ ਤਕ ਪਹੁੰਚ ਕੀਤੀ ਜਾ ਸਕੇਗੀ ਜਿੱਥੇ 215 ਬੱਚੇ ਦਫਨ ਮਿਲੇ ਸਨ।
ਬਿਆਨ 'ਚ ਦੱਸਿਆ ਗਿਆ ਕਿ ਇਹੀ ਬੱਚਿਆਂ ਦੀਆਂ ਆਤਮਾਵਾਂ ਲਈ ਚੰਗਾ ਹੋਵੇਗਾ।
