16.3C Vancouver 16.3C VancouverSep 29, 2022 12:23 AM - The Canadian Press
ਚੱਕਰਵਾਤ ਈਅਨ ਨੇ ਫਲੋਰੀਡਾ ਦੇ ਵਿੱਚ ਦਸਤਕ ਦੇ ਦਿੱਤੀ ਹੈ। ਫਲੋਰੀਡਾ ਦੇ ਦੱਖਣਪੱਛਮੀ ਤਟ ਤਕ ਇਸ ਤੂਫਾਨ ਦੀਆਂ ਤੇਜ ਹਵਾਵਾਂ ਪਹੁੰਚਣੀਆਂ ਸ਼ੁਰੂ ਹੋ ਗਈਆਂ ਹਨ।
ਇਸ ਤੂਫਾਨ ਨੂੰ ਕੈਟੇਗਰੀ 4 ਦਾ ਤੂਫਾਨ ਦੱਸਿਆ ਗਿਆ ਹੈ ਅਤੇ ਇਸ ਦੌਰਾਨ ਪ੍ਰਭਾਵਿਤ ਇਲਾਕਿਆਂ 'ਚ 250km ਪ੍ਰਤੀ ਘੰਟਾ ਦੀ ਰਫਤਾਰ 'ਤੇ ਹਵਾਵਾਂ ਝੁੱਲਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਜਾਣਕਾਰੀ ਅਨੁਸਾਰ ਇਸ ਤੂਫਾਨ ਕਾਰਨ ਕਿਊਬਾ 'ਚ ਪੂਰੀ ਤਰ੍ਹਾਂ ਬੱਤੀ ਗੁਲ ਹੋ ਗਈ ਹੈ।
ਸਮੁੰਦਰ 'ਚ ਤੂਫਾਨ ਦੌਰਾਨ ਉੱਚੀਆਂ ਛੱਲਾਂ ਉੱਠ ਰਹੀਆਂ ਹਨ ਅਤੇ ਸਮੁੰਦਰ ਦੇ ਨੇੜਲੇ ਇਲਾਕਿਆਂ ਲਈ ਇਸ ਦੇ ਕਾਰਨ ਮੁਸੀਬਤ ਖੜੀ ਹੋਣ ਦਾ ਵੀ ਖਤਰਾ ਹੈ।
ਇਸ ਤੂਫਾਨ ਵਿਚਾਲੇ 2.5 ਮਿਲੀਅਨ ਲੋਕਾਂ ਨੂੰ ਇਵੈਕੂਏਟ ਕਰਨ ਲਈ ਕਿਹਾ ਗਿਆ ਹੈ।
ਫੈਡਰਲ ਐਮਰਜੈਂਸੀ ਮੈਨੇਜਮੈਂਟ ਏਜੈਂਸੀ ਤੋਂ ਡੀਅਨ ਕ੍ਰਿਸਵੈਲ ਦਾ ਕਹਿਣਾ ਹੈ ਕਿ ਇਸ ਤੂਫਾਨ ਨੂੰ ਹਲਕੇ 'ਚ ਨਾ ਲਿਆ ਜਾਵੇ ਅਤੇ ਇਸ ਦੇ ਖਤਰੇ ਸੰਬੰਧੀ ਸਾਵਧਾਨੀ ਵਰਤੀ ਜਾਵੇ।
