18.49C Vancouver 18.49C VancouverMar 16, 2020 10:36 PM -
ਨਾਮੀ ਬ੍ਰਿਟਿਸ਼ ਅਭਿਨੇਤਾ ਆਈਡ੍ਰਿਸ ਐਲਬਾ ਨੇ ਦੱਸਿਆ ਹੈ ਕਿ ਉਨ੍ਹਾਂ ਨੂੰ ਵੀ ਕੋਵਿਡ-19 ਲਈ ਪਾਜੀਟਿਵ ਪਾਇਆ ਗਿਆ ਹੈ।
ਇਸਦੇ ਬਾਰੇ ਸੋਮਵਾਰ ਨੂੰ ਐਕਟਰ ਨੇ ਇੱਕ ਟਵੀਟ ਕੀਤਾ। ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਸ਼ੁੱਕਰਵਾਰ ਤੋਂ ਖੁਦ ਨੂੰ ਅਲਗ ਰਕੇ ਰੱਖਿਆ ਹੋਇਆ ਸੀ।
ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਖੁਦ ਦਾ ਟੈਸਟ ਕਰਵਾਉਣ ਬਾਰੇ ਉਸ ਵੇਲੇ ਸੋਚਿਆ, ਜਦ ਉਨ੍ਹਾਂ ਨੂੰ ਪਤਾ ਲੱਗਾ ਕਿ ਓਹ ਕਿਸੇ ਅਜਿਹੇ ਵਿਅਕਤੀ ਦੇ ਸੰਪਰਕ 'ਚ ਆਏ ਸਨ, ਜਿਸਨੂੰ ਇਸ ਵਾਇਰਸ ਨਾਲ ਪੀੜਤ ਪਾਇਆ ਗਿਆ ਸੀ।
ਯਾਦ ਰਹੇ ਆਈਡ੍ਰਿਸ ਐਲਬਾ ਪਹਿਲੇ ਸੈਲੀਬ੍ਰਿਟੀ ਨਹੀਂ ਹਨ, ਜਿੰਨਾ ਨੂੰ ਇਸ ਵਾਇਰਸ ਨਾਲ ਪੀੜਤ ਪਾਇਆ ਗਿਆ ਹੈ ਅਤੇ ਇਸਤੋਂ ਪਹਿਲਾਂ ਟੌਮ ਹੈਂਕਸ, ਅਤੇ ਉਨ੍ਹਾਂ ਦੀ ਪਤਨੀ ਰੀਟਾ ਵਿਲਸਨ ਨੂੰ ਵੀ ਇਸ ਵਾਇਰਸ ਨਾਲ ਪੀੜਤ ਪਾਇਆ ਜਾ ਚੁੱਕਿਆ ਹੈ।
ਐਲਬਾ ਨੇ ਅੱਜ ਇੱਕ ਵੀਡੀਓ ਸੁਨੇਹੇ ਵਿੱਚ ਦੱਸਿਆ ਕਿ ਉਨ੍ਹਾਂ ਦੀ ਪਤਨੀ, ਕਨੇਡੀਅਨ ਮਾਡਲ, ਸਬਰੀਨਾ ਐਲਬਾ ਨੇ ਇਸ ਵਾਇਰਸ ਸੰਬੰਧੀ ਟੈਸਟ ਨਹੀਂ ਕਰਵਾਇਆ ਹੈ ਪਰ ਓਹ ਠੀਕ ਮਹਿਸੂਸ ਕਰ ਰਹੀ ਹਨ।
