12.02C Vancouver 12.02C VancouverJan 30, 2024 6:08 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਵਲੋਂ ਫੈਮਿਲੀ ਨਾਲ ਜਮਾਇਕਾ ਵਿਚ ਛੁੱਟੀਆਂ ਮਨਾਉਣ ਦੇ ਸੰਬੰਧ ਵਿਚ ਚੱਲ ਰਹੇ ਵਿਵਾਦ ਵਿਚਕਾਰ ਨੈਤਿਕਤਾ ਕਮਿਸ਼ਨਰ ਨੇ ਉਨ੍ਹਾਂ ਦੀਆਂ ਛੁੱਟੀਆਂ ਨੂੰ ਕਲੀਨ ਚਿੱਟ ਦਿੱਤੀ ਹੈ।
ਮੰਗਲਵਾਰ ਨੂੰ ਹਾਊਸ ਆਫ ਕਾਮਨਜ਼ ਦੀ ਕਮੇਟੀ ਸਾਹਮਣੇ ਪੇਸ਼ ਹੋਏ ਅੰਤਰਿਮ ਨੈਤਿਕਤਾ ਕਮਿਸ਼ਨਰ ਕੋਨਰਾਡ ਵਾਨ ਫਿਨਕੇਨਸਟਾਈਨ ਨੇ ਪੁਸ਼ਟੀ ਕੀਤੀ ਕਿ ਟਰੂਡੋ ਦੇ ਜਮਾਈਕਾ ਦੌਰੇ ਵਿਚ ਨਿਯਮਾਂ ਦੀ ਕੋਈ ਉਲੰਘਣਾ ਨਹੀਂ ਹੋਈ।
ਟਰੂਡੋ ਇਸ ਦੌਰਾਨ ਜਿਸ ਰਿਜ਼ੋਰਟ ਵਿਚ ਠਹਿਰੇ ਸਨ, ਉਸ ਨੂੰ ਲੈ ਕੇ ਵਿਰੋਧੀ ਧਿਰਾਂ ਦਾ ਕਹਿਣਾ ਸੀ ਕਿ ਪ੍ਰਧਾਨ ਮੰਤਰੀ ਨੂੰ ਕਿਸੇ ਖਾਸ ਮਕਸਦ ਦੇ ਬਦਲੇ ਇਸ ਦੇ ਕਿਰਾਏ ਦਾ ਭੁਗਤਾਨ ਨਹੀਂ ਕਰਨਾ ਪਿਆ ਅਤੇ ਇਹ ਟਰੂਡੋ ਲਈ ਇਹ ਮਹਿੰਗੇ ਗਿਫਟ ਵਜੋਂ ਸੀ, ਜਦੋਂ ਕਿ ਨਿਯਮਾਂ ਮੁਤਾਬਕ, ਜਨਤਕ ਅਹੁਦੇ ’ਤੇ ਬੈਠਾ ਸ਼ਖਸ ਕੋਈ ਵੀ ਅਜਿਹਾ ਗਿਫਟ ਨਹੀਂ ਲੈ ਸਕਦਾ ਜਿਸ ਦਾ ਮਕਸਦ ਸਰਕਾਰ ਤੋਂ ਕੋਈ ਕੰਮ ਕਰਵਾਉਣਾ ਹੋਵੇ।
ਨੈਤਿਕਤਾ ਕਮਿਸ਼ਨਰ ਫਿਨਕੇਨਸਟਾਈਨ ਨੇ ਹਾਊਸ ਆਫ਼ ਕਾਮਨਜ਼ ਦੀ ਨੈਤਿਕਤਾ ਕਮੇਟੀ ਦੇ ਮੈਂਬਰਸ ਦੇ ਸਵਾਲਾਂ ਦਾ ਜਵਾਬ ਦਿੰਦਿਆਂ ਕਿਹਾ ਕਿ ਟਰੂਡੋ ਦੇ ਦਫਤਰ ਨੇ ਉਨ੍ਹਾਂ ਦੇ ਜਮਾਈਕਾ ਲਈ ਰਵਾਨਾ ਹੋਣ ਤੋਂ ਪਹਿਲਾਂ ਆਫ਼ਿਸ ਨਾਲ ਜਾਣਕਾਰੀ ਸਾਂਝੀ ਕੀਤੀ ਸੀ।
ਫਿਨਕੇਨਸਟਾਈਨ ਨੇ ਕਿਹਾ ਕਿ ਉਨ੍ਹਾਂ ਦੇ ਦਫ਼ਤਰ ਨੇ ਕਾਰੋਬਾਰੀ ਪੀਟਰ ਗ੍ਰੀਨ ਨਾਲ ਟਰੂਡੋ ਦੇ ਸਬੰਧਾਂ ਦੀ ਜਾਂਚ ਵੀ ਕੀਤੀ ਅਤੇ ਪਾਇਆ ਕਿ ਉਹ ਟਰੂਡੋ ਦੇ ਦੋਸਤ ਸਨ ਜਿਨ੍ਹਾਂ ਦਾ ਕੈਨੇਡਾ ਸਰਕਾਰ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਸੀ।
