9.02C Vancouver 9.02C VancouverAug 23, 2022 12:19 AM - The Canadian Press
ਵੈਨਕੂਵਰ 'ਚ ਪੁਲਿਸ ਸੰਬੰਧੀ ਕਾਰਵਾਈ ਦੌਰਾਨ ਇੱਕ ਵਿਅਕਤੀ ਦੀ ਮੌਤ ਹੋਣ ਤੋਂ ਬਾਅਦ ਮਾਮਲਾ ਇੰਡੀਪੈਂਡੈਂਟ ਇਨਵੈਸਟੀਗੇਸ਼ਨਸ ਆਫਿਸ ਯਾਨੀ ਕਿ ਆਈ.ਆਈ.ਓ. ਕੋਲ ਪਹੁੰਚ ਗਿਆ ਹੈ।
ਵੈਨਕੂਵਰ ਪੁਲਿਸ ਨੂੰ ਅੱਜ ਸਵੇਰ ਕਰੀਬ 8 ਵਜੇ ਈਸਟ ਹੇਸਟਿੰਗਸ ਸਟ੍ਰੀਟ ਅਤੇ ਡਨਲਿਵੀ ਐਵੀਨਿਊ ਕੋਲ ਸੱਦਿਆ ਗਿਆ ਸੀ।
ਇੱਕ ਆਦਮੀ ਦੀ ਜਾਣਕਾਰੀ ਦਿੱਤੀ ਗਈ ਸੀ ਜੋ ਕਿ ਅਜੀਬ ਵਿਵਹਾਰ ਕਰ ਰਿਹਾ ਸੀ।
ਪੁਲਿਸ ਨਾਲ ਕਿਸੇ ਪ੍ਰਕਾਰ ਦੀ ਤਕਰਾਰ ਤੋਂ ਬਾਅਦ ਇਸ ਵਿਅਕਤੀ ਨੂੰ ਹਿਰਾਸਤ 'ਚ ਲਿਆ ਗਿਆ ਸੀ।
ਇਸ ਤੋਂ ਬਾਅਦ ਆਦਮੀ ਪ੍ਰੇਸ਼ਾਨੀ ਦੀ ਅਵਸਥਾ 'ਚ ਬੇਹੋਸ਼ ਹੋ ਗਿਆ।
ਪੁਲਿਸ ਦਾ ਕਹਿਣਾ ਸੀ ਕਿ ਆਦਮੀ ਦੀ ਜਾਨ ਬਚਾਉਣ ਦੀਆਂ ਕੋਸ਼ਿਸ਼ਾਂ ਨਾਕਾਮ ਰਹੀਆਂ।
ਇਸ ਘਟਨਾ ਸੰਬੰਧੀ ਉਜਾਗਰ ਹੋਈ ਜਾਣਕਾਰੀ 'ਚ ਦੱਸਿਆ ਜਾ ਰਿਹਾ ਹੈ ਕਿ ਆਦਮੀ 'ਤੇ ਬੇਅਰ ਸਪਰੇ ਦੀ ਵਰਤੋਂ ਕੀਤੀ ਗਈ ਸੀ।
ਇਸ ਵਿਅਕਤੀ ਨੇ ਭੱਜ ਕੇ ਇੱਕ ਗਰੋਸਰੀ ਸਟੋਰ 'ਤੇ ਦਾਖਿਲਾ ਲਿਆ ਸੀ ਅਤੇ ਬਰਦਾਸ਼ਤ ਤੋਂ ਬਾਹਰ ਹੁੰਦੇ ਦਰਦ ਤੋਂ ਬਚਾਅ ਲਈ ਆਪਣੇ ਸ਼ਰੀਰ 'ਤੇ ਦੁੱਧ ਡੋਲ ਲਿਆ ਸੀ।
ਕਥਿਤ ਤੌਰ 'ਤੇ ਇਸੇ ਦੌਰਾਨ ਪੁਲਿਸ ਨੇ ਆਦਮੀ 'ਤੇ ਬੀਨ-ਬੈਗ ਬੰਦੂਕ ਦੀ ਵਰਤੋਂ ਕੀਤੀ ਸੀ।
ਮੌਕੇ 'ਤੇ ਮੌਜੂਦ ਲੋਕਾਂ ਅਨੁਸਾਰ ਰੌਲਾ ਪਾ ਕੇ ਪੁਲਿਸ ਅਫਸਰਾਂ ਨੂੰ ਦੱਸਿਆ ਗਿਆ ਸੀ ਕਿ ਆਦਮੀ 'ਤੇ ਬੇਅਰ ਸਪਰੇ ਦੀ ਵਰਤੋਂ ਕੀਤੀ ਗਈ ਹੈ ਪਰ ਉਸ ਨੂੰ ਸ਼ੂਟ ਕਰ ਦਿੱਤਾ ਗਿਆ।
