17.53C Vancouver 17.53C VancouverOct 17, 2025 1:49 PM - Connect Newsroom
ਕੈਨੇਡਾ ਦੀ ਵਿੱਤੀ ਸਥਿਤੀ ਨੂੰ ਲੈ ਕੇ ਅੰਤਰਰਾਸ਼ਟਰੀ ਮੁਦਰਾ ਫੰਡ ਦਾ ਕਹਿਣਾ ਹੈ ਕਿ ਔਟਵਾ ਇਸ ਮਾਮਲੇ ਵਿਚ ਜੀ-7 ਨੇਸ਼ਨ ਵਿਚੋਂ ਬਿਹਤਰ ਸਥਿਤੀ ਵਿਚ ਹੈ। ਆਈ.ਐਮ.ਐਫ. ਦੀ ਹੈੱਡ ਕ੍ਰਿਸਟਾਲੀਨਾ ਜਾਰਜੀਵਾ ਦੀ ਇਹ ਟਿੱਪਣੀ ਉਦੋਂ ਆਈ ਹੈ ਜਦੋਂ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਦੀ ਅਗਵਾਈ ਵਿਚ ਲਿਬਰਲਸ ਵਲੋਂ ਨਵੰਬਰ ਵਿਚ ਆਪਣਾ ਪਹਿਲਾ ਬਜਟ ਪੇਸ਼ ਕੀਤਾ ਜਾਣਾ ਹੈ ਅਤੇ ਇਸ ਵਿਚ ਵੱਡੇ ਘਾਟੇ ਦੀ ਉਮੀਦ ਜਤਾਈ ਜਾ ਰਹੀ ਹੈ।
ਵੀਰਵਾਰ ਨੂੰ ਵਾਸ਼ਿੰਗਟਨ ਵਿਚ ਇੱਕ ਪ੍ਰੈੱਸ ਬ੍ਰੀਫਿੰਗ ਦੌਰਾਨ ਆਈ.ਐਮ.ਐਫ.ਦੀ ਮੁਖੀ ਜਾਰਜੀਵਾ ਨੇ ਐਂਡਵਾਂਸ ਅਰਥਵਿਵਸਥਾ ਬਾਰੇ ਕਿਹਾ ਕਿ ਕੈਨੇਡਾ ਅਤੇ ਜਰਮਨੀ ਦੀ ਵਿੱਤੀ ਸਥਿਤੀ ਅਮਰੀਕਾ ਅਤੇ ਇਟਲੀ ਵਰਗੇ ਦੂਜੇ ਜੀ-7 ਦੇਸ਼ਾਂ ਨਾਲੋਂ ਬਿਹਤਰ ਹੈ।
ਹਾਲਾਂਕਿ,ਜਿੱਥੇ ਆਈ.ਐਮ.ਐਫ.ਨੇ ਕੈਨੇਡਾ ਦੀ ਵਿੱਤੀ ਸਥਿਤੀ ਨੂੰ ਮਜਬੂਤ ਦੱਸਿਆ ਹੈ,ਉਥੇ ਹੀ ਸੰਸਦੀ ਬਜਟ ਅਧਿਕਾਰੀ ਜੇਸਨ ਜੈਕਸ ਨੇ ਕੈਨੇਡਾ ਦੇ ਵਿੱਤੀ ਸਥਿਤੀ ਨੂੰ ਹੈਰਾਨ ਕਰਨ ਵਾਲੀ ਅਤੇ ਅਸਥਿਰ ਕਿਹਾ ਹੈ।ਪੀ.ਬੀ.ਓ.ਮੁਤਾਬਕ,ਇਸ ਸਾਲ $68.5 ਬਿਲੀਅਨ ਦਾ ਘਾਟਾ ਦਰਜ ਕਰ ਸਕਦਾ ਹੈ। ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਵੀ ਕਿਹਾ ਹੈ ਕਿ ਨਵੇਂ ਖਰਚਿਆਂ ਦੀਆਂ ਯੋਜਨਾਵਾਂ,ਜਿਨ੍ਹਾਂ ਵਿਚ ਡਿਫੈਂਸ ਖ਼ਰਚ ਵਿਚ ਵਾਧਾ ਵੀ ਸ਼ਾਮਲ ਹੈ ਉਨ੍ਹਾਂ ਕਾਰਨ ਘਾਟਾ ਪਿਛਲੇ ਸਾਲ ਨਾਲੋਂ ਵੱਧ ਹੋਵੇਗਾ।
