13.42C Vancouver 13.42C VancouverApr 12, 2020 10:27 PM -
ਹਸਪਤਾਲ ਦੇ ਵਿਚ ਕਰੀਬ ਇੱਕ ਹਫਤਾ ਬਿਤਾਉਣ ਤੋਂ ਬਾਅਦ, ਜਿਸਦੇ ਵਿਚ ਕਿ 3 ਰਾਤਾਂ ਆਈ.ਸੀ.ਯੂ. ਵਿਚ ਬਿਤਾਈਆਂ ਗਈਆਂ ਸਨ, ਹੁਣ ਬ੍ਰਿਟਿਸ਼ ਪ੍ਰਧਾਨ ਮੰਤਰੀ ਬੌਰੀਸ ਜੌਨਸਨ ਨੂੰ ਹਸਪਤਾਲ ਤੋਂ ਛੁੱਟੀ ਮਿਲ ਗਈ ਹੈ।
ਪ੍ਰਧਾਨ ਮੰਤਰੀ ਦੇ ਦਫਤਰ ਵੱਲੋਂ ਜਾਰੀ ਬਿਆਨ ਅਨੁਸਾਰ, ਓਹ ਪੂਰੀ ਤਰ੍ਹਾਂ ਸਵਸਥ ਹੋਣ ਤਕ ਆਪਣੇ ਕੰਟਰੀ ਹਾਊਸ 'ਚ ਰਹਿਣਗੇ, ਅਤੇ ਅਜੇ ਕੰਮ 'ਤੇ ਵਾਪਸੀ ਨਹੀਂ ਕਰਨਗੇ।
ਬੌਰੀਸ ਜੌਨਸਨ ਨੂੰ ਕਰੀਬ 2 ਹਫਤੇ ਪਹਿਲਾਂ ਕੋਵਿਡ-19 ਤੋਂ ਪੀੜਤ ਪਾਇਆ ਗਿਆ ਸੀ।
ਯਾਦ ਰਹੇ ਬੌਰੀਸ ਜੌਨਸਨ ਨੂੰ ਆਈ.ਸੀ.ਯੂ. ਤੋਂ ਵੀਰਵਾਰ ਨੂੰ ਹੀ ਛੁੱਟੀ ਮਿਲ ਗਈ ਸੀ।
ਹਸਪਤਾਲ ਤੋਂ ਬਾਹਰ ਆਉਣ ਤੋਂ ਬਾਅਦ ਆਪਣੇ ਪਹਿਲੇ ਬਿਆਨ 'ਚ ਬੌਰੀਸ ਜੌਨਸਨ ਨੇ ਨੈਸ਼ਨਲ ਹੈਲਥ ਸਰਵਿਸ ਦੇ ਸਟਾਫ ਦੀ ਤਾਰੀਫ ਕੀਤੀ ਅਤੇ ਕਿਹਾ ਕਿ ਉਨ੍ਹਾਂ ਦਾ ਜੀਵਨ ਇਨ੍ਹਾਂ ਕਾਮਿਆਂ ਦਾ ਕਰਜਈ ਹੈ।
