ਕੈਲਗਰੀ ਵਿਚ ਆਉਣ ਵਾਲੇ ਦਿਨਾਂ ਵਿਚ ਤਾਪਮਾਨ ਹੋਵੇਗਾ ਮਾਈਨਸ ’ਚ

ਕੈਲਗਰੀ ਵਿਚ ਆਉਣ ਵਾਲੇ ਦਿਨਾਂ ਵਿਚ ਤਾਪਮਾਨ ਮਾਈਨਸ ਵਿਚ ਆਉਣ ਵਾਲਾ ਹੈ। ਮੰਗਲਵਾਰ ਤੋਂ ਸ਼ੁੱਕਰਵਾਰ ਤੱਕ ਤਾਪਮਾਨ ਡਿੱਗੇਗਾ। ਇਨਵਾਇਰਮੈਂਟ ਕੈਨੇਡਾ ਮੁਤਾਬਕ ਐਲਬਰਟਾ ਦੇ ਦੱਖਣੀ ਹਿੱਸੇ ਵਿਚ ਸੋਮਵਾਰ ਰਾਤ ਬਰਫਬਾਰੀ ਹੋ ਸਕਦੀ ਹੈ।

ਮਹਾਰਾਣੀ ਐਲਿਜ਼ਾਬੈਥ II ਅਤੇ ਹਾਈਵੇਅ 2 ਕੋਰੀਡੋਰ ਕਮਿਊਨਿਟੀਜ਼ ਵਿਚ ਹਾਈਵੇਅ ਦੇ ਪੂਰਬੀ ਪਾਸੇ ਦੇ ਇਲਾਕਿਆਂ ਨਾਲੋਂ ਵਧੇਰੇ ਬਰਫਬਾਰੀ ਹੋਵੇਗੀ। ਬੀਤੇ ਕੁਝ ਦਿਨਾਂ ਤੋਂ ਪਹਾੜਾਂ ਦੀ ਬਰਫ ਪਿਘਲਣ ਸੰਬੰਧੀ ਖ਼ਬਰਾਂ ਆ ਰਹੀਆਂ ਸਨ, ਜਿਸ ਕਾਰਨ ਬਰਫ ਵਿਚ ਹੋਣ ਵਾਲੀਆਂ ਖੇਡਾਂ ਰੱਦ ਕਰਨੀਆਂ ਪਈਆਂ ਸਨ ਅਤੇ ਹੁਣ ਠੰਡ ਵਧਣਾ ਰਾਹਤ ਦੀ ਖ਼ਬਰ ਹੈ।

ਮੰਗਲਵਾਰ ਦਿਨ ਸਮੇਂ ਤਾਪਮਾਨ -4 ਡਿਗਰੀ ਸੈਲਸੀਅਸ ਅਤੇ ਰਾਤ ਸਮੇਂ -13 ਡਿਗਰੀ ਸੈਲਸੀਅਸ ਰਹਿ ਸਕਦਾ ਹੈ। ਬੁੱਧਵਾਰ ਤੋਂ ਸ਼ੁੱਕਰਵਾਰ ਤੱਕ ਦਿਨ ਸਮੇਂ ਤਾਪਮਾਨ -1 ਤੋਂ -8 ਦੀ ਰੇਂਜ ਵਿਚ ਰਹੇਗਾ। ਇਸੇ ਤਰ੍ਹਾਂ ਰਾਤ ਸਮੇਂ ਤਾਪਮਾਨ -11 ਤੋਂ -16 ਡਿਗਰੀ ਸੈਲਸੀਅਸ ਦੀ ਰੇਂਜ ਵਿਚਕਾਰ ਰਹਿ ਸਕਦਾ ਹੈ।