12.08C Vancouver 12.08C VancouverJan 11, 2021 8:23 PM -
ਟ੍ਰੰਪ ਪ੍ਰਸ਼ਾਸਨ ਦੇ ਸੱਤਾ ਸੰਭਾਲਣ ਦੇ ਹੁਣ ਕੁਝ ਹੀ ਦਿਨ ਬਾਕੀ ਰਹਿ ਗਏ ਹਨ, ਪਰ ਇਸ ਦੌਰਾਨ ਸੋਮਵਾਰ ਨੂੰ ਟ੍ਰੰਪ ਦੀ ਦੂਜੀ ਇੰਪੀਚਮੈਂਟ ਦੀ ਤਿਆਰੀ ਹੋ ਰਹੀ ਹੈ।
ਰਿਪਬਲਿਕਨਸ ਨੇ ਵਾਈਸ ਪ੍ਰੈਜ਼ੀਡੈਂਟ ਮਾਈਕ ਪੈਂਸ ਅਤੇ ਫੈਡਰਲ ਕੈਬਿਨੇਟ ਸਾਹਮਣੇ ਪੇਸ਼ ਕੀਤੇ ਮਤੇ ਨੂੰ ਬਲੌਕ ਕਰ ਦਿੱਤਾ ਹੈ।
ਇਸ ਮਤੇ 'ਚ ਟ੍ਰਪ ਨੂੰ ਸੱਤਾ ਤੋਂ ਹਟਾਉਣ ਲਈ 25ਵੀਂ ਅਮੈਂਡਮੈਂਟ ਨੂੰ ਇਨਵੋਕ ਕਰਨ ਦੀ ਮੰਗ ਰੱਖੀ ਗਈ ਸੀ।
ਇਸ ਮਤੇ 'ਤੇ ਪੂਰੇ ਹਾਊਸ ਦੀ 'ਰੋਲ ਕੌਲ' ਵੋਟ ਕੱਲ ਹੋਵੇਗੀ।
ਇਸ ਦੇ ਪਾਸ ਹੋਣ ਦੇ ਆਸਾਰ ਮੰਨੇ ਜਾ ਰਹੇ ਹਨ।
ਹਾਊਸ ਸਪੀਕਰ ਨੈਂਸੀ ਪੈਲੋਸੀ ਦਾ ਕਹਿਣਾ ਹੈ ਕਿ ਪੈਂਸ ਕੋਲ 24 ਘੰਟੇ ਦਾ ਸਮਾਂ ਹੋਵੇਗਾ, ਜਿਸ ਤੋਂ ਬਾਅਦ ਇੰਪੀਚਮੈਂਟ ਲਈ ਕਾਰਵਾਈ ਨੂੰ ਅਰੰਭਿਆ ਜਾ ਸਕੇਗਾ।
ਇਸ 'ਚ ਬੁੱਧਵਾਰ ਨੂੰ ਵੋਟਿੰਗ ਹੋਵੇਗੀ।
ਯਾਦ ਰਹੇ ਬੀਤੇ ਹਫ਼ਤੇ ਵਾਸ਼ਿੰਗਟਨ 'ਚ ਕੈਪੀਟਲ 'ਚ ਵਾਪਰੀਆਂ ਘਟਨਾਵਾਂ ਤੋਂ ਬਾਅਦ ਇਹ ਪ੍ਰੀਕਿਰਿਆ ਜਾਰੀ ਹੈ।
ਰਾਸ਼ਟਰਪਤੀ ਡੌਨਲਡ ਟ੍ਰੰਪ 'ਤੇ 'ਇੰਸਾਈਟਮੈਂਟ ਆਫ ਇੰਸਰੈਕਸ਼ਨ' ਯਾਨੀ ਕਿ 'ਬਗਾਵਤ ਲਈ ਭੜਕਾਉਣ' ਦੇ ਇਲਜ਼ਾਮ ਲੱਗ ਰਹੇ ਹਨ।
