ਸਰੀ ਪੁਲਿਸ ਵਲੋਂ ਸ਼ੱਕੀ ਦੇ ਗੰਭੀਰ ਜ਼ਖਮੀ ਹੋਣ ਦੇ ਮਾਮਲੇ ਵਿਚ ਬੀ. ਸੀ. ਪੁਲਿਸ ਵੌਚਡੌਗ ਨੇ ਜਾਂਚ ਕੀਤੀ ਸ਼ੁਰੂ

ਸਰੀ ਪੁਲਿਸ ਸਰਵਿਸ ਵਲੋਂ ਇਸ ਮਹੀਨੇ ਦੇ ਸ਼ੁਰੂ ਵਿੱਚ ਗ੍ਰਿਫਤਾਰੀ ਦੌਰਾਨ ਇੱਕ ਸ਼ੱਕੀ ਦੇ ਗੰਭੀਰ ਜ਼ਖਮੀ ਹੋਣ ਦੇ ਮਾਮਲੇ ਵਿਚ ਬੀ. ਸੀ. ਦੇ ਪੁਲਿਸ ਵੌਚਡੌਗ ਨੇ ਜਾਂਚ ਸ਼ੁਰੂ ਕੀਤੀ ਹੈ। ਸਰੀ ਪੁਲਿਸ ਅਨੁਸਾਰ, ਇੱਕ ਅਧਿਕਾਰੀ ਨੇ 6 ਅਕਤੂਬਰ ਨੂੰ ਰਾਤ 8:40 ਵਜੇ ਦੇ ਕਰੀਬ 135A ਸਟਰੀਟ ਦੇ 10700-ਬਲੌਕ ਵਿਚ ਔਰਤਾਂ ਦੇ ਇੱਕ ਗਰੁੱਪ 'ਤੇ ਇੱਕ ਆਦਮੀ ਦੇ ਹਮਲਾਵਰ ਢੰਗ ਨਾਲ ਚੀਕਣ ਦੀਆਂ ਰਿਪੋਰਟਾਂ ਦਾ ਜਵਾਬ ਦਿੱਤਾ।

ਇਨਡੀਪੈਂਡਟ ਇਨਵੈਸਟੀਗੇਸ਼ਨ ਔਫਿਸ ਔਫ ਬੀ.ਸੀ. ਮੁਤਾਬਕ, ਆਦਮੀ ਨੂੰ ਹਿਰਾਸਤ ਵਿਚ ਲੈਣ ਦੌਰਾਨ ਉਸ ਨੂੰ ਗੰਭੀਰ ਸੱਟ ਲੱਗੀ, ਹਾਲਾਂਕਿ ਇਹ ਜਾਨਲੇਵਾ ਨਹੀਂ ਸੀ। ਵੌਚਡੌਗ ਨੇ ਕਿਹਾ ਕਿ ਉਸ ਨੇ ਇਹ ਪਤਾ ਲਗਾਉਣ ਲਈ ਜਾਂਚ ਸ਼ੁਰੂ ਕੀਤੀ ਹੈ ਕਿ ਕੀ ਪੁਲਿਸ ਦੀ ਕਾਰਵਾਈ ਜਾਂ ਲਾਪਰਵਾਹੀ injury ਦਾ ਨਤੀਜਾ ਸੀ। ਪੁਲਿਸ ਐਕਟ ਤਹਿਤ ਇਨਡੀਪੈਂਡਟ ਇਨਵੈਸਟੀਗੇਸ਼ਨ ਔਫਿਸ ਪੁਲਿਸ ਨਾਲ ਜੁੜੇ ਮਾਮਲੇ ਵਿਚ ਕਿਸੇ ਦੇ ਗੰਭੀਰ ਸੱਟ ਲੱਗਣ ਜਾਂ ਮੌਤ ਦੇ ਮਾਮਲੇ ਵਿਚ ਜਾਂਚ ਕਰਦਾ ਹੈ।

ਇਨਵੈਸਟੀਗੇਟਰਸ ਨੇ ਕਿਹਾ ਕਿ 135A ਸਟਰੀਟ ਦੇ 10700-ਬਲੌਕ ਵਿਚ ਹੋਈ ਇਸ ਘਟਨਾ ਦਾ ਜੇ ਕੋਈ ਵੀ ਗਵਾਹ ਹੈ, ਜਿਸ ਨੇ ਪਹਿਲਾਂ ਕੋਈ ਬਿਆਨ ਨਹੀਂ ਦਿੱਤਾ ਹੈ, ਜਾਂ ਜਿਨ੍ਹਾਂ ਕੋਲ ਘਟਨਾ ਦੀ ਵੀਡੀਓ ਫੁਟੇਜ ਹੈ, ਉਨ੍ਹਾਂ ਨੂੰ ਇਨਡੀਪੈਂਡਟ ਇਨਵੈਸਟੀਗੇਸ਼ਨ ਔਫਿਸ ਦੇ ਨਾਲ 1-855-446-8477 'ਤੇ ਸੰਪਰਕ ਕਰਨ ਲਈ ਕਿਹਾ ਜਾਂਦਾ ਹੈ।