10.68C Vancouver 10.68C VancouverMay 6, 2020 2:04 AM -
ਭਾਰਤ ਦੇ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੇ ਮੰਗਲਵਾਰ ਨੂੰ ਟਾਸਕ ਫੋਰਸ ਦੀ ਇੱਕ ਬੈਠਕ ਦੀ ਪ੍ਰਧਾਨਗੀ ਕੀਤੀ।
ਇਹ ਟਾਸਕ ਫੋਰਸ ਕੋਰੋਨਾ ਵਾਇਰਸ ਸੰਬੰਧੀ ਵੈਕਸੀਨ ਬਣਾਉਣ, ਡਰੱਗ ਤਿਆਰ ਕਰਨ, ਡਾਇਗਨੌਸਿਸ ਅਤੇ ਟੈਸਟਿੰਗ ਕਰਨ 'ਤੇ ਕੰਮ ਕਰ ਰਹੀ ਹੈ।
ਬੈਠਕ 'ਚ ਇਨ੍ਹਾਂ ਸਾਰੇ ਮਾਮਲਿਆਂ 'ਚ ਭਾਰਤ ਦੀ ਮੌਜੂਦਾ ਸਥਿਤੀ 'ਤੇ ਗੱਲਬਾਤ ਕੀਤੀ ਗਈ।
ਇਸਦੇ ਰੀਵਿਊ ਦੌਰਾਨ ਪ੍ਰਧਾਨ ਮੰਤਰੀ ਮੋਦੀ ਨੇ ਕਿਹਾ ਕਿ ਸਰਕਾਰ, ਇੰਡਸਟਰੀ ਅਤੇ ਅਕਾਦਮਿਕ ਖੇਤਰਾਂ ਦਾ ਇਕੱਠੇ ਕੰਮ ਕਰਨਾ ਅਦਭੁਤ ਹੈ।
ਇੱਕ ਅਧਿਕਾਰਿਕ ਨਿਊਜ ਰਿਲੀਜ਼ 'ਚ ਦੱਸਿਆ ਗਿਆ ਕਿ ਅਜੇਹੀ ਕੋਆਰਡੀਨੇਸ਼ਨ ਅਤੇ ਰਫਤਾਰ ਨੇ ਕੰਮ ਕਰਨ ਦੇ ਆਮ ਤਰੀਕੇ ਦਾ ਹਿੱਸਾ ਬਣਾਉਣ ਦੀ ਲੋੜ ਹੈ।
ਇਸਦੇ ਵਿੱਚ ਜਾਣਕਾਰੀ ਦਿੱਤੀ ਗਈ ਕਿ ਕੋਰੋਨਾ ਸੰਬੰਧੀ ਇਲਾਜ ਲਈ ਭਾਰਤ ਦੀਆਂ 30 ਵੱਖੋ-ਵੱਖਰੀਆਂ ਵੈਕਸੀਨਸ ਟੈਸਟਿੰਗ ਦੇ ਅਲੱਗ-ਅਲੱਗ ਪੜ੍ਹਾਅ 'ਚ ਹਨ।
ਇਸਦੇ ਵਿੱਚ ਕੁਝ ਨੂੰ ਟ੍ਰਾਇਲ ਸਟੇਜ 'ਤੇ ਲਿਆਂਦਾ ਗਿਆ ਹੈ। ਪ੍ਰਧਾਨ ਮੰਤਰੀ ਨੇ ਜ਼ੋਰ ਦਿੱਤਾ ਕਿ ਸੰਕਟ ਦੀ ਘੜੀ 'ਚ ਜਿਸ ਤਰੀਕੇ ਨਾਲ ਕੰਮ ਕੀਤਾ ਜਾਂਦਾ ਹੈ, ਇਸਨੂੰ ਹਰ ਵੇਲੇ ਇਸੇ ਪ੍ਰਕਾਰ ਜਾਰੀ ਰੱਖਣਾ ਚਾਹੀਦਾ ਹੈ।
ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਇਸ ਪ੍ਰੀਕਿਰਿਆ 'ਚ ਕੰਪਿਊਟਰ ਸਾਇੰਸ, ਕੈਮਿਸਟਰੀ ਅਤੇ ਬਾਇਓਟੈਕਨੌਲੋਜੀ ਨੂੰ ਇਕੱਠੇ ਲਿਆ ਕੇ ਕੰਮ ਕਰਨ ਜਿਹੇ ਤਰੀਕੇ 'ਤੇ ਨਿਰਭਰ ਇੱਕ ਹੈਕਾਥਨ ਕਰਵਾਉਣਾ ਚਾਹੀਦਾ ਹੈ।
ਉਨ੍ਹਾਂ ਕਿਹਾ ਇਹ ਹੈਕਾਥਨ ਕੰਪਿਊਟਰ ਸਾਇੰਸ ਨੂੰ ਸਿੰਥਸਿਸ ਨਾਲ ਜੋੜਨ ਅਤੇ ਇਸਦੀ ਲੈਬੋਰੇਟਰੀ 'ਚ ਜਾਂਚ ਸੰਬੰਧੀ ਹੋਣਾ ਚਾਹੀਦਾ ਹੈ।
ਮੋਦੀ ਨੇ ਸੁਝਾਅ ਦਿੱਤਾ ਕਿ ਇਸਦੇ ਜੇਤੂ ਨੂੰ ਸਟਾਰਟ-ਅਪ ਅੱਗੇ ਦੀ ਡਵੈਲਪਮੈਂਟ ਅਤੇ ਸਕੇਲਿੰਗ ਲਈ ਵਰਤ ਸਕਦੇ ਹਨ।
ਡਰੱਗ ਵਿਕਸਿਤ ਕਰਨ ਸੰਬੰਧੀ 3 ਤਰੀਕੇ ਦੀ ਐਪਰੋਚ 'ਤੇ ਕੰਮ ਕੀਤਾ ਜਾ ਰਿਹਾ ਹੈ।
ਪਹਿਲੇ ਚਰਣ 'ਚ ਪਹਿਲਾਂ ਤੋਂ ਉਪਲਬਧ ਡਰੱਗਸ ਦੀ ਰੀਪਰਪਜ਼ਿੰਗ ਕੀਤੀ ਜਾ ਰਹੀ ਹੈ।
ਇਸ 'ਚ ਘਟੋ-ਘੱਟ 4 ਡਰੱਗਸ 'ਤੇ ਕੰਮ ਕੀਤਾ ਜਾ ਰਿਹਾ ਹੈ।
ਦੂਜੇ ਪੜ੍ਹਾਅ 'ਚ ਨਵੇਂ ਪ੍ਰਕਾਰ ਦੀਆਂ ਡਰੱਗਸ ਨੂੰ ਲੈਬ 'ਚ ਟੈਸਟ ਕੀਤਾ ਜਾ ਰਿਹਾ ਹੈ।
ਤੀਜੇ ਪੜ੍ਹਾਅ ਤਹਿਤ ਬੂਟਿਆਂ ਦੇ ਨਿਚੋੜ (ਪਲਾਂਟ ਐਕਸਟ੍ਰੈਕਟਸ) ਅਤੇ ਹੋਰ ਪਦਾਰਥਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ ਕਿ ਇਸਦਾ ਆਮ ਐਂਟੀ-ਵਾਇਰਲ ਪ੍ਰਾਪਰਟੀ ਦੇ ਤੌਰ 'ਤੇ ਕਿਸ ਪ੍ਰਕਾਰ ਦਾ ਅਸਰ ਪੈਂਦਾ ਹੈ।
