22.17C Vancouver 22.17C VancouverJul 30, 2021 8:52 AM -
ਅੱਜ ਸ਼ੁੱਕਰਵਾਰ ਨੂੰ, ਭਾਰਤ ਦੇ ਸਿਹਤ ਅਤੇ ਪਰਿਵਾਰ ਭਲਾਈ ਮਹਿਕਮੇ ਵੱਲੋਂ ਮਿਲੀ ਜਾਣਕਾਰੀ ਮੁਤਾਬਕ, ਭਾਰਤ ਵਿੱਚ ਬੀਤੇ 24 ਘੰਟਿਆਂ ਦੌਰਾਨ, ਕੋਵਿਡ-19 ਦੇ 44,230 ਨਵੇਂ ਮਾਮਲੇ ਮਿਲੇ ਹਨ, ਜਿਸ ਨਾਲ ਰੋਜ਼ਾਨਾ ਦਾ ਮਰੀਜ਼ਾਂ ਦੇ ਵਧਣ ਦੀ ਦਰ 2.44 ਫ਼ੀਸਦ ਹੋ ਗਈ ਹੈ।
ਇਨ੍ਹਾਂ ਨਵੇਂ ਮਾਮਲਿਆਂ ਨਾਲ, ਇਸ ਵੇਲੇ ਸਰਗਰਮ ਮਰੀਜ਼ਾਂ ਦੀ ਗਿਣਤੀ ਵੱਧ ਕੇ 4,05,155 ਹੋ ਗਈ ਹੈ, ਜੋ ਕੁਲ ਮਾਮਲਿਆਂ ਦਾ 1.28 ਫ਼ੀਸਦ ਹੈ।
ਇਸਦੇ ਨਾਲ ਹੀ ਮੁਲਕ ਵਿੱਚ ਕੋਵਿਡ-19 ਦੇ ਕੁਲ ਮਾਮਲੇ 3,15,72,344 ਤੱਕ ਪੁੱਜ ਗਏ ਹਨ।
ਬੀਤੇ 24 ਘੰਟਿਆਂ ਵਿੱਚ ਤੰਦਰੁਸਤ ਹੋਏ ਮਰੀਜ਼ਾਂ ਦੀ ਗਿਣਤੀ 42,360 ਰਹੀ, ਜਿਸ ਨਾਲ ਤੰਦਰੁਸਤ ਹੋਣ ਵਾਲੇ ਕੁਲ ਮਾਮਲੇ 3,07,43,972 ਹੋ ਚੁੱਕੇ ਹਨ।
ਹੁਣ ਤੰਦਰੁਸਤ ਹੋਣ ਵਾਲੇ ਮਾਮਲਿਆਂ ਦੀ ਦਰ 97.38 ਫ਼ੀਸਦ ਹੈ।
ਇਸਦੇ ਨਾਲ ਹੀ ਮੌਤਾਂ ਦੀ ਗਿਣਤੀ 4,23,217 ਹੋ ਚੁੱਕੀ ਹੈ, ਜਿਨ੍ਹਾਂ ਵਿੱਚੋਂ 555 , ਬੀਤੇ 24 ਘੰਟਿਆਂ ਵਿੱਚ ਹੋਈਆਂ ਹਨ।
ਸਿਹਤ ਮਹਿਕਮੇ ਨੇ ਅੱਗੇ ਜਾਣਕਾਰੀ ਦਿੱਤੀ ਹੈ ਕਿ ਹਫ਼ਤਾਵਾਰੀ ਮਾਮਲੇ 5 ਫ਼ੀਸਦ ਤੋਂ ਵੀ ਘੱਟ ਰਹੇ ਅਤੇ ਅੱਜ ਇਹ ਦਰ 2.43 ਫ਼ੀਸਦ ਹੈ।
ਇਸਦੇ ਨਾਲ ਹੀ, ਮੁਲਕ ਵਿੱਚ ਪ੍ਰੀਖਣ ਵੀ ਵਧੇ ਹਨ ਅਤੇ ਕੁਲ 46.46 ਕਰੋੜ ਟੈਸਟ ਕੀਤੇ ਜਾ ਚੁੱਕੇ ਹਨ।
ਮਹਿਕਮੇ ਨੇ ਦੱਸਿਆ ਕਿ ਹੁਣ ਤੱਕ ਕੋਵਿਡ-19 ਟੀਕੇ ਦੀਆਂ 45,60,33,754 ਖ਼ੁਰਾਕਾਂ ਲਾਈਆਂ ਜਾ ਚੁੱਕੀਆਂ ਹਨ।
