15.47C Vancouver 15.47C VancouverJun 23, 2022 4:52 PM - ANI
ਮੈਰੀਲੈਂਡ ਵਿਚ ਐਤਵਾਰ ਸਵੇਰੇ ਇੱਕ 25 ਸਾਲਾ ਭਾਰਤੀ ਨਾਗਰਿਕ ਦੀ ਗੋਲੀ ਮਾਰ ਕੇ ਹੱਤਿਆ ਹੋਣ ਦੀ ਖ਼ਬਰ ਹੈ।
ਮ੍ਰਿਤਕ ਸਾਈ ਚਰਨ ਨੱਕਾ ਨੇ ਜਨਵਰੀ 2022 ਵਿਚ ਸਿਨਸਿਨਾਟੀ ਯੂਨੀਵਰਸਿਟੀ ਤੋਂ ਗ੍ਰੈਜੂਏਸ਼ਨ ਕੀਤੀ ਸੀ ਅਤੇ ਉਹ ਤੇਲੰਗਾਨਾ ਦਾ ਰਹਿਣ ਵਾਲਾ ਸੀ।
ਸਾਈ ਚਰਨ ਨੱਕਾ ਨੂੰ ਗੋਲੀ ਲੱਗਣ ਤੋਂ ਬਾਅਦ ਯੂਨੀਵਰਸਿਟੀ ਆਫ਼ ਮੈਰੀਲੈਂਡ ਆਰ. ਐਡਮਜ਼ ਕਾਉਲੀ ਸ਼ੌਕ ਟਰਾਮਾ ਸੈਂਟਰ ਲਿਜਾਇਆ ਗਿਆ, ਜਿੱਥੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ ਗਿਆ।
ਸਾਈ ਚਰਨ ਦੇ ਪਿਤਾ ਨੱਕਾ ਨਰਸਿਮਹਾ ਤੇਲੰਗਾਨਾ ਦੇ ਨਲਗੋਂਡਾ ਵਿਚ ਸੇਵਾਮੁਕਤ ਹੈੱਡਮਾਸਟਰ ਹਨ। ਉਨ੍ਹਾਂ ਕਿਹਾ ਕਿ ਉਹ ਆਪਣੇ ਬੇਟੇ ਨੂੰ ਅਮਰੀਕਾ ਨਹੀਂ ਭੇਜਣਾ ਚਾਹੁੰਦੇ ਸੀ। ਉਹ ਚਾਹੁੰਦੇ ਸੀ ਕਿ ਬੇਟਾ ਇੱਥੇ ਰਹੇ। ਨੱਕਾ ਨਰਸਿਮਹਾ ਨੇ ਕਿਹਾ ਕਿ ਮੈਂ ਉਸ ਨੂੰ ਜਾਣ ਲਈ ਮਨ੍ਹਾ ਕੀਤਾ ਸੀ।
ਬਾਲਟੀਮੋਰ ਪੁਲਿਸ ਅਨੁਸਾਰ, ਉਸ ਵੱਲੋਂ ਇਸ ਨੂੰ ਕਤਲ ਦਾ ਮਾਮਲਾ ਮੰਨਦੇ ਹੋਏ ਜਾਂਚ ਕੀਤੀ ਜਾ ਰਹੀ ਹੈ। ਪੁਲਿਸ ਨੇ ਇਸ ਮਾਮਲੇ ਵਿਚ ਲੋਕਾਂ ਤੋਂ ਸਹਾਇਤਾ ਮੰਗੀ ਹੈ ਅਤੇ ਕਿਹਾ ਹੈ ਕਿ ਜਿਸ ਨੇ ਸ਼ੱਕੀ ਗਤੀਵਿਧੀ ਦੇਖੀ ਹੋਵੇ ਉਹ ਇਸ ਦੀ ਇਤਲਾਹ ਦੇ ਕੇ ਮਦਦ ਕਰੇ।
