17.31C Vancouver 17.31C VancouverJul 8, 2022 6:22 PM - ANI
ਬੋਰਿਸ ਜੌਨਸਨ ਵੱਲੋਂ ਅਸਤੀਫ਼ਾ ਦੇਣ ਦਾ ਐਲਾਨ ਕਰਨ ਮਗਰੋਂ ਸਾਬਕਾ ਮੰਤਰੀ ਰਿਸ਼ੀ ਸੁਨਕ ਨੇ ਬ੍ਰਿਟੇਨ ਦੇ ਅਗਲੇ ਪ੍ਰਧਾਨ ਮੰਤਰੀ ਬਣਨ ਲਈ ਆਪਣੀ ਦਾਅਵੇਦਾਰੀ ਪੇਸ਼ ਕਰ ਦਿੱਤੀ ਹੈ।
ਰਿਸ਼ੀ ਸੁਨਕ ਨੇ ਇਕਨੋਮੀ ਦੇ ਪੁਨਰਨਿਰਮਾਣ ਅਤੇ ਦੇਸ਼ ਨੂੰ ਮੁੜ ਜੋੜਨ ਦਾ ਸਮਾਂ ਆ ਗਿਆ ਦੱਸਦੇ ਹੋਏ ਟਵੀਟ ਕੀਤਾ ਕਿ ਮੈਂ ਕੰਜ਼ਰਵੇਟਿਵ ਪਾਰਟੀ ਦਾ ਅਗਲਾ ਲੀਡਰ ਅਤੇ ਤੁਹਾਡਾ ਪ੍ਰਧਾਨ ਮੰਤਰੀ ਬਣਨ ਲਈ ਖੜ੍ਹਾ ਹੋ ਰਿਹਾ ਹਾਂ।
ਉਨ੍ਹਾਂ ਅੱਗੇ ਇੱਕ ਬਿਆਨ ਵਿਚ ਕਿਹਾ ਕਿ ਕਿਸੇ ਨੂੰ ਇਹ ਮੌਕਾ ਸਾਂਭਾਣਾ ਹੋਵੇਗਾ ਅਤੇ ਸਹੀ ਦਿਸ਼ਾ ਵਿਚ ਫ਼ੈਸਲੇ ਲੈਣੇ ਹੋਣਗੇ। ਇਸੇ ਲਈ ਮੈਂ ਕੰਜ਼ਰਵੇਟਿਵ ਪਾਰਟੀ ਦਾ ਅਗਲਾ ਲੀਡਰ ਅਤੇ ਤੁਹਾਡਾ ਪ੍ਰਧਾਨ ਮੰਤਰੀ ਬਣਨ ਲਈ ਖੜ੍ਹਾ ਹੋ ਰਿਹਾ ਹਾਂ। ਉਨ੍ਹਾਂ ਕਿਹਾ ਕਿ ਮੈਂ ਦੇਸ਼ ਨੂੰ ਸਹੀ ਦਿਸ਼ਾ ਵਿਚ ਲੀਡ ਕਰਨਾ ਚਾਹੁੰਦਾ ਹੈ।
ਗੌਰਤਲਬ ਹੈ ਕਿ ਸਾਬਕਾ ਡਿਪਟੀ ਚੀਫ ਵ੍ਹਿਪ ਕ੍ਰਿਸਟੋਫਰ ਪਿੰਚਰ ਦੇ ਹਾਲ ਹੀ ਦੇ ਸਕੈਂਡਲ ਨੂੰ ਲੈ ਕੇ ਕੈਬਨਿਟ ਮੈਂਬਰਾਂ ਦੇ ਸਮੂਹਿਕ ਅਸਤੀਫ਼ਿਆਂ ਤੋਂ ਬਾਅਦ ਬੋਰਿਸ ਜੌਨਸਨ ਨੇ ਵੀਰਵਾਰ ਨੂੰ ਅਸਤੀਫ਼ਾ ਦੇਣ ਦਾ ਐਲਾਨ ਕੀਤਾ ਸੀ। ਅਸਤੀਫਾ ਦੇਣ ਵਾਲੇ 50 ਤੋਂ ਵੱਧ ਮੰਤਰੀਆਂ-ਸਾਂਸਦਾਂ ਵਿਚੋਂ ਰਿਸ਼ੀ ਸੁਨਕ ਤੇ ਸਾਜਿਦ ਜਾਵਿਦ ਬੋਰਿਸ ਜੌਨਸਨ ਦਾ ਸਾਥ ਛੱਡਣ ਵਾਲੇ ਪਹਿਲੇ ਤੇ ਮੁੱਖ ਸ਼ਖਸੀਅਤਾਂ ਸਨ।
ਰਿਸ਼ੀ ਸੁਨਕ ਰਿਚਮੰਡ (ਯਾਰਕਜ਼) ਤੋਂ ਸੰਸਦ ਮੈਂਬਰ ਹਨ। ਦੱਸ ਦੇਈਏ ਕਿ ਅਕਤੂਬਰ ਵਿਚ ਕੰਜ਼ਰਵੇਟਿਵ ਪਾਰਟੀ ਦੀ ਸਾਲਾਨਾ ਬੈਠਕ ਵਿਚ ਨਵੇਂ ਲੀਡਰ ਦੀ ਘੋਸ਼ਣਾ ਹੋਣ ਤੱਕ ਬੋਰਿਸ ਜੌਨਸਨ ਬ੍ਰਿਟੇਨ ਦੇ ਪੀ. ਐੱਮ. ਬਣੇ ਰਹਿਣਗੇ।
