12.88C Vancouver 12.88C VancouverJun 13, 2025 4:34 PM - Connect Newsroom
ਅਮਰੀਕਾ ਵਿਚ ਇੱਕ ਭਾਰਤੀ ਮੂਲ ਦੇ ਵਿਅਕਤੀ ਨੂੰ ਧੋਖਾਧੜੀ ਸਕੀਮ ਦੇ ਮਾਮਲੇ ਵਿਚ ਛੇ ਸਾਲ ਤੋਂ ਵੱਧ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ, ਜਿਸ ਵਿਚ ਉਸ ਨੇ ਬਜ਼ੁਰਗ ਨਾਗਰਿਕਾਂ ਨੂੰ ਨਿਸ਼ਾਨਾ ਬਣਾਉਂਦੇ ਹੋਏ ਦਸ ਲੱਖ ਡਾਲਰ ਤੋਂ ਵੱਧ ਦੀ ਧੋਖਾਧੜੀ ਕੀਤੀ ਸੀ। ਨਿਊ ਜਰਸੀ ਦੇ 33 ਸਾਲਾ ਪ੍ਰਣਵ ਪਟੇਲ ਨੇ ਅਕਤੂਬਰ ਅਤੇ ਦਸੰਬਰ 2023 ਦਰਮਿਆਨ ਧੋਖਾਧੜੀ ਜ਼ਰੀਏ 17 ਲੱਖ ਅਮਰੀਕੀ ਡਾਲਰ ਜੁਟਾਏ ਸਨ।
ਪ੍ਰਣਵ ਪਟੇਲ ਨੇ ਪਿਛਲੇ ਸਾਲ ਦਸੰਬਰ ਵਿਚ ਆਪਣਾ ਦੋਸ਼ ਕਬੂਲ ਕਰ ਲਿਆ ਸੀ ਅਤੇ ਬੁੱਧਵਾਰ ਨੂੰ ਫਲੋਰੀਡਾ ਕੋਰਟ ਨੇ ਉਸ ਨੂੰ ਮਨੀ ਲਾਂਡਰਿੰਗ ਦੀ ਸਾਜ਼ਿਸ਼ ਰਚਣ ਦੇ ਦੋਸ਼ ਵਿਚ ਛੇ ਸਾਲ ਅਤੇ ਤਿੰਨ ਮਹੀਨੇ ਦੀ ਜੇਲ੍ਹ ਦੀ ਸਜ਼ਾ ਸੁਣਾਈ, ਨਾਲ ਹੀ ਅਦਾਲਤ ਨੇ 17 ਲੱਖ ਅਮਰੀਕੀ ਡਾਲਰ ਜ਼ਬਤ ਕਰਨ ਦਾ ਵੀ ਹੁਕਮ ਦਿੱਤਾ ਹੈ।
ਉਸ ਨੇ ਜ਼ਿਆਦਾਤਰ ਫਲੋਰੀਡਾ ਦੇ ਬਜ਼ੁਰਗਾਂ ਨੂੰ ਟਾਰਗੇਟ ਕੀਤਾ ਸੀ। ਖੁਦ ਨੂੰ ਉਹ ਸਰਕਾਰੀ ਵਿਅਕਤੀ ਵਜੋਂ ਪੇਸ਼ ਕਰਦਾ ਸੀ। ਕੁਝ ਮਾਮਲਿਆਂ ਵਿਚ ਉਸ ਨੇ ਪੀੜਤਾਂ ਨੂੰ ਕਿਹਾ ਕਿ ਉਨ੍ਹਾਂ ਦੀ ਗ੍ਰਿਫ਼ਤਾਰੀ ਲਈ ਵਾਰੰਟ ਹਨ ਅਤੇ ਉਨ੍ਹਾਂ ਨੂੰ ਵਾਰੰਟ ਹਟਾਉਣ ਲਈ ਪੈਸੇ ਦੇਣੇ ਹੋਣਗੇ।
