15.76C Vancouver 15.76C VancouverJun 24, 2025 4:13 PM - The Canadian Press
ਕੈਨੇਡਾ ਦੀ ਸਾਲਾਨਾ ਮਹਿੰਗਾਈ ਦਰ ਮਈ ਵਿਚ 1.7 ਫੀਸਦੀ ਦਰਜ ਹੋਈ ਹੈ, ਜੋ ਅਪ੍ਰੈਲ ਦੇ ਹੀ ਪੱਧਰ 'ਤੇ ਸਥਿਰ ਰਹੀ। ਸਟੈਟਿਸਟਿਕਸ ਕੈਨੇਡਾ ਨੇ ਕਿਹਾ ਕਿ ਗੈਸੋਲੀਨ ਕੀਮਤਾਂ ਵਿਚ ਗਿਰਾਵਟ ਦੇ ਨਾਲ-ਨਾਲ ਸ਼ੈਲਟਰ ਫੂਡ ਤੇ ਟ੍ਰਾਂਸਪੋਰਟੇਸ਼ਨ ਦੀਆਂ ਕੀਮਤਾਂ ਵਿਚ ਹੌਲੀ ਵਾਧੇ ਨੇ ਮਹਿੰਗਾਈ ਦਰ ਨੂੰ ਸਥਿਰ ਰੱਖਣ ਵਿਚ ਮੁੱਖ ਭੂਮਿਕਾ ਨਿਭਾਈ।
30 ਜੁਲਾਈ ਨੂੰ ਬੈਂਕ ਆਫ ਕੈਨੇਡਾ ਦੇ ਵਿਆਦ ਦਰਾਂ ਬਾਰੇ ਫੈਸਲੇ ਤੋਂ ਪਹਿਲਾਂ ਮਈ ਮਹੀਨੇ ਦੇ ਮਹਿੰਗਾਈ ਅੰਕੜੇ ਇੱਕ ਮਹੱਤਵਪੂਰਨ ਅੰਕੜੇ ਹਨ, ਸੈਂਟਰਲ ਬੈਂਕ ਦੇ ਅਗਲੇ ਫੈਸਲੇ ਤੋਂ ਪਹਿਲਾਂ ਜੂਨ ਦੇ ਮਹਿੰਗਾਈ ਅੰਕੜੇ ਵੀ ਆਉਣਗੇ। ਜੇ ਮਹਿੰਗਾਈ ਦਰ ਲਗਾਤਾਰ ਘੱਟ ਰਹਿੰਦੀ ਹੈ ਤਾਂ ਬੈਂਕ ਦਰਾਂ ਵਿਚ ਕਟੌਤੀ ਬਾਰੇ ਵਿਚਾਰ ਕਰ ਸਕਦਾ ਹੈ।
ਪਿਛਲੇ ਸਾਲ ਦੇ ਜੂਨ ਤੋਂ ਨੌਂ ਮਹੀਨਿਆਂ ਤੱਕ ਲਗਾਤਾਰ ਵਿਆਜ ਦਰਾਂ ਵਿਚ 225 ਬੇਸਿਸ ਪੁਆਇੰਟ ਦੀ ਕਟੌਤੀ ਕਰਨ ਮਗਰੋਂ ਬੈਂਕ ਆਫ ਕੈਨੇਡਾ ਨੇ ਆਪਣੀਆਂ ਪਿਛਲੀਆਂ ਦੋ ਮੀਟਿੰਗਾਂ ਵਿਚ ਦਰਾਂ ਨੂੰ ਸਥਿਰ ਰੱਖਿਆ ਹੈ, ਮੌਜੂਦਾ ਸਮੇਂ ਸੈਂਟਰਲ ਬੈਂਕ ਦਾ ਬੈਂਚਮਾਰਕ ਰੇਟ 2.75 ਫੀਸਦੀ ਹੈ।ਮਨੀ ਮਾਰਕਿਟ ਨੇ ਇਸ ਗੱਲ ਦੀ 63 ਫੀਸਦੀ ਸੰਭਾਵਨਾ ਜਤਾਈ ਹੈ ਕਿ ਬੈਂਕ 30 ਜੁਲਾਈ ਦੇ ਫੈਸਲੇ ਵਿਚ ਵੀ ਆਪਣੇ ਬੈਂਚਮਾਰਕ ਰੇਟ ਨੂੰ ਸਥਿਰ ਰੱਖੇਗਾ।
