19.58C Vancouver 19.58C VancouverMar 14, 2022 9:30 PM - The Canadian Press
ਬੀ.ਸੀ. 'ਚ ਮਿਨੀਮਮ ਵੇਜ 'ਚ 45 ਸੈਂਟ ਦਾ ਵਾਧਾ ਕਰ ਦਿੱਤਾ ਗਿਆ ਹੈ।
ਸੂਬੇ ਦੇ ਲੇਬਰ ਮੰਤਰੀ ਹੈਰੀ ਬੈਂਸ ਨੇ ਅੱਜ ਸਰੀ 'ਚ ਇੱਕ ਪ੍ਰੈਸ ਕਾਨਫਰੰਸ ਕਰ ਜਾਣਕਾਰੀ ਦਿੱਤੀ ਕਿ ਸੂਬੇ 'ਚ ਮਿਨੀਮਮ ਵੇਜ 'ਚ ਵਾਧਾ ਕੀਤਾ ਜਾ ਰਿਹਾ ਹੈ।
ਇਹ ਵਾਧਾ 1 ਜੂਨ ਤੋਂ ਲਾਗੂ ਹੋਵੇਗਾ।
ਅੱਜ ਦੇ ਵਾਧੇ ਨਾਲ ਹੁਣ ਸੂਬੇ 'ਚ ਮਿਨੀਮਮ ਵੇਜ $15.65 ਤਕ ਪਹੁੰਚ ਗਈ ਹੈ।
ਇਸ ਤੋਂ ਪਹਿਲਾਂ ਬੀਤੇ ਸਾਲ ਮਿਨੀਮਮ ਵੇਜ 'ਚ ਵਾਧਾ ਕੀਤੇ ਜਾਣ ਮਗਰੋਂ ਜਨਰਲ ਮਿਨੀਮਮ ਵੇਜ $15.20 ਤਕ ਪਹੁੰਚ ਗਈ ਸੀ।
ਇਸ ਦੇ ਨਾਲ ਹੀ ਲਿਕਰ ਸਰਵਰਸ ਦੀ ਮਿਨੀਮਮ ਵੇਜ ਨੂੰ ਵੀ $13.95 ਤੋਂ ਵਧਾ ਕੇ ਜਨਰਲ ਮਿਨੀਮਮ ਵੇਜ ਦੇ ਬਰਾਬਰ ਲਿਆਂਦਾ ਗਿਆ ਸੀ।
ਹੈਰੀ ਬੈਂਸ ਨੇ ਦੱਸਿਆ ਕਿ ਸੂਬੇ 'ਚ ਕਈ ਸਾਲਾਂ ਦਾ ਰਿਕਾਰਡ ਤੋੜਦੇ ਹੋਏ 2021 'ਚ ਇਨਫਲੇਸ਼ਨ ਦੀ ਦਰ 2.8% 'ਤੇ ਦਰਜ ਕੀਤੀ ਗਈ ਸੀ ਅਤੇ ਇਸੇ ਅਨੁਸਾਰ ਮਿਨੀਮਮ ਵੇਜ 'ਚ ਵਾਧਾ ਕੀਤਾ ਗਿਆ ਹੈ।
ਇਸ ਤੋਂ ਇਲਾਵਾ ਉਨ੍ਹਾਂ ਦੱਸਿਆ ਕਿ ਸੂਬੇ 'ਚ ਆਲਟਰਨੇਟ ਮਿਨੀਮਮ ਵੇਜ 'ਚ ਵੀ 2.8% ਵਾਧਾ ਕੀਤਾ ਗਿਆ ਹੈ।
