26.17C Vancouver 26.17C VancouverNov 4, 2022 5:16 AM - The Canadian Press, translated by Connect News
ਬੀ.ਸੀ. 'ਚ ਫੋਰਟ ਨੈਲਸਨ ਦੇ ਇਲਾਕੇ ਤੋਂ ਵਾਸਤਾ ਰੱਖਦੇ ਇੱਕ ਆਦਮੀ ਦੀ ਜੇਲ੍ਹ 'ਚ ਮੌਤ ਹੋ ਗਈ ਹੈ।
ਸੈਕਿੰਡ ਡਿਗਰੀ ਕਤਲ ਦੇ 2 ਮਾਮਲਿਆਂ 'ਚ ਇਸ ਵਿਅਕਤੀ ਨੂੰ ਉਮਰ ਕੈਦ ਦੀ ਸਜਾ ਸੁਣਾਈ ਗਈ ਸੀ।
ਸਾਲ 1982 'ਚ ਡਾਰਸੀ ਸਿਡਰੋਕ ਨਾਮ ਦੇ ਵਿਅਕਤੀ ਦੀ ਉਮਰ 18 ਸਾਲ ਸੀ ਜਦ ਉਸ ਨੇ ਪਰਿਵਾਰਿਕ ਦੋਸਤ ਯਵੋਨ ਡੁਸੈਟ ਅਤੇ 19 ਸਾਲਾ ਜੇਮਸ ਪਿਟ ਨਾਮ ਦੇ ਵਿਅਕਤੀ ਦੇ ਕਤਲ ਦੇ ਦੋਸ਼ ਕਬੂਲੇ ਸਨ। ਦੋਵਾਂ ਲੋਕਾਂ ਦਾ ਗੋਲੀ ਮਾਰ ਕਤਲ ਕੀਤਾ ਗਿਆ ਸੀ।
ਦੋਸ਼ੀ ਨੂੰ ਉਮਰ ਕੈਦ ਦੀ ਸਜਾ ਸੁਣਾਉਂਦੇ ਹੋਏ 20 ਸਾਲ ਤਕ ਪੈਰੋਲ ਦਾ ਮੌਕਾ ਨਾ ਦੇਣ ਦੀ ਸਜਾ ਸੁਣਾਈ ਗਈ ਸੀ।
1982 ਦੀ ਸਜਾ ਸੁਣਾਉਣ ਦੀ ਸੁਣਵਾਈ ਮੌਕੇ ਦੱਸਿਆ ਗਿਆ ਸੀ ਕਿ ਇਸ ਵਿਅਕਤੀ ਦਾ ਇਤਿਹਾਸ ਵੀ ਐਂਟੀ ਸੋਸ਼ਲ ਗਤੀਵਿਧੀਆਂ ਨਾਲ ਭਰਿਆ ਸੀ ਜਿਸ ਦੌਰਾਨ ਉਸ ਨੇ ਅਧਿਆਪਕ 'ਤੇ ਹਮਲਾ ਕਰਨ ਤੋਂ ਇਲਾਵਾ ਚੋਰੀਆਂ ਅਤੇ ਬ੍ਰੇਕ-ਇਨਸ ਜਿਹੀਆਂ ਵਾਰਦਾਤਾਂ ਨੂੰ ਅੰਜਾਮ ਦਿੱਤਾ ਸੀ।
ਇੱਕ ਸਾਈਕੈਟ੍ਰਿਸਟ ਦਾ ਕਹਿਣਾ ਸੀ ਕਿ ਸਿਡਰੋਕ ਨੂੰ ਇੱਕ ਕਾਰ ਕਰੈਸ਼ 'ਚ ਗੰਭੀਰ ਜਖਮ ਆਏ ਸਨ ਅਤੇ ਉਸ ਨੇ ਲੰਮਾ ਸਮਾਂ ਹਸਪਤਾਲ 'ਚ ਬਿਤਾਇਆ ਸੀ ਅਤੇ ਫਿਰ ਉਸ ਦੇ ਮਾਂ-ਪਿਓ ਨੇ ਉਸ ਨਾਲ ਰਿਸ਼ਤਾ ਤੋੜ ਦਿੱਤਾ ਅਤੇ ਉਸ ਨੂੰ ਇੱਕ ਰਿਸ਼ਤੇਦਾਰ ਦੇ ਘਰ 'ਚ ਵੀ ਐਬਿਊਜ ਦਾ ਸਾਹਮਣਾ ਕਰਨਾ ਪਿਆ ਸੀ। ਸਿਡਰੋਕ ਐਬਟਸਫੋਰਡ ਦੀ ਜੇਲ੍ਹ 'ਚ ਬੰਦ ਸੀ ਅਤੇ ਉਸ ਦੀ ਉਮਰ 58 ਸਾਲ ਸੀ।
ਜਾਣਕਾਰੀ ਦਿੱਤੀ ਗਈ ਕਿ ਪੁਲਿਸ ਅਤੇ ਕੋਰੋਨਰ ਨੂੰ ਮੌਤ ਸੰਬੰਧੀ ਜਾਣਕਾਰੀ ਦਿੱਤੀ ਗਈ ਹੈ ਅਤੇ ਕ੍ਰੈਕਸ਼ਨਲ ਸਰਵਿਸ ਆਫ ਕੈਨੇਡਾ ਵੱਲੋਂ ਮੌਤ ਦਾ ਰੀਵਿਊ ਕੀਤਾ ਜਾਵੇਗਾ।
