16.4C Vancouver 16.4C VancouverAug 26, 2022 7:42 PM - Connect News
ਬੀ.ਸੀ. ਦੇ ਕੋਰੋਨਰਸ ਸਰਵਿਸ ਵੱਲੋਂ ਸਾਲ 2016 'ਚ ਹੋਈ ਇੱਕ ਵਿਅਕਤੀ ਦੀ ਪੁਲਿਸ ਕਾਰਵਾਈ ਦੌਰਾਨ ਹੋਈ ਮੌਤ ਦੇ ਮਾਮਲੇ 'ਚ ਇਨਕਵੈਸਟ ਕੀਤੀ ਜਾ ਰਹੀ ਹੈ।
ਮਾਮਲਾ ਡੈਨੀਅਲ ਪੀਟਰ ਰਿੰਟੋਲ ਨਾਮ ਦੇ ਵਿਅਕਤੀ ਦੀ ਮੌਤ ਨਾਲ ਸੰਬੰਧਤ ਹੈ।
ਇਸ ਵਿਅਕਤੀ ਦੀ ਸਾਲ 2016 'ਚ ਵੈਨਕੂਵਰ ਦੇ ਗ੍ਰੈਂਡਵਿਊ ਹਾਈਵੇਅ ਅਤੇ ਰੂਪਰਟ ਸਟ੍ਰੀਟ ਦੇ ਕੋਲ ਸਥਿਤ ਕਨੇਡੀਅਨ ਟਾਇਰ ਸਟੋਰ ਕੋਲ ਸ਼ੂਟਿੰਗ 'ਚ ਮੌਤ ਹੋ ਗਈ ਸੀ।
ਪੁਲਿਸ ਦਾ ਕਹਿਣਾ ਸੀ ਕਿ ਵਿਅਕਤੀ ਨੇ ਇੱਕ ਕਲਰਕ ਨੂੰ ਪਿੱਠ ਅਤੇ ਧੌਣ 'ਚ ਚਾਕੂ ਨਾਲ ਵਾਰ ਕੀਤਾ ਸੀ।
ਇਸ ਤੋਂ ਬਾਅਦ ਵਿਅਕਤੀ ਨੇ ਕਥਿਤ ਤੌਰ 'ਤੇ ਸਟੋਰ ਦਾ ਬੰਦੂਕਾਂ ਦਾ ਕੈਬਿਨੇਟ ਖੋਲ੍ਹ ਲਿਆ ਸੀ ਅਤੇ ਹਥਿਆਰ ਹਾਸਿਲ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ।
ਪੁਲਿਸ ਅਨੁਸਾਰ ਉਹ ਹਥਿਆਰਾਂ ਨੂੰ ਛੱਡ ਇੱਕ ਚਾਕੂ ਅਤੇ ਬੇਅਰ ਸਪਰੇ ਲੈਕੇ ਸਟੋਰ ਵਿੱਚੋਂ ਨਿਕਲ ਆਇਆ ਸੀ।
ਪੁਲਿਸ ਅਨੁਸਾਰ ਮੌਕੇ 'ਤੇ ਪਹੁੰਚੇ ਅਫਸਰਾਂ ਨੂੰ ਚਾਕੂ ਅਤੇ ਬੇਅਰ ਸਪਰੇ ਨਾਲ ਰੋਕਣ ਦੀ ਕੋਸ਼ਿਸ਼ ਕੀਤੀ ਗਈ ਸੀ।
ਪੁਲਿਸ ਅਨੁਸਾਰ ਇੱਕ ਸੀਨੀਅਰ ਵਿਅਕਤੀ ਨੂੰ ਬੰਦੀ ਬਣਾ ਲਿਆ ਗਿਆ ਅਤੇ ਇੱਕ ਅਫ਼ਸਰ 'ਤੇ ਚਾਕੂ ਨਾਲ ਵਾਰ ਵੀ ਕੀਤਾ ਗਿਆ।
ਜਵਾਬੀ ਕਾਰਵਾਈ 'ਚ ਸ਼ੱਕੀ ਆਦਮੀ 'ਤੇ 9 ਗੋਲੀਆਂ ਚਲਾ ਦਿੱਤੀਆਂ ਗਈਆਂ ਸਨ।
ਵਿਅਕਤੀ ਨੇ ਮੌਕੇ 'ਤੇ ਹੀ ਦਮ ਤੋੜ ਦਿੱਤਾ ਸੀ।
ਇਸ ਮਾਮਲੇ 'ਚ ਇੰਡੀਪੈਂਡੈਂਟ ਇਨਵੈਸਟੀਗੇਸ਼ਨਸ ਆਫਿਸ ਯਾਨੀ ਕਿ ਆਈ.ਆਈ.ਓ. ਨੇ ਪਹਿਲਾਂ ਹੀ ਜਾਂਚ ਕਰ ਲਈ ਹੈ।
ਇਸ ਮਾਮਲੇ 'ਚ ਪਬਲਿਕ ਇਨਕਵੈਸਟ 31 ਅਕਤੂਬਰ 2022 ਨੂੰ ਸਵੇਰ 9.30 ਵਜੇ ਬਰਨਬੀ ਕੋਰੋਨਰਸ ਕੋਰਟ 'ਚ ਹੋਵੇਗੀ।
