23.03C Vancouver 23.03C VancouverJul 15, 2025 6:41 PM - Connect Newsroom
ਲੈਂਗਲੀ ਵਿਚ ਪੁਲਿਸ ਅਤੇ ਇੱਕ ਸ਼ੱਕੀ ਵਿਚਕਾਰ ਸੋਮਵਾਰ ਨੂੰ ਕਈ ਘੰਟੇ ਟਕਰਾਅ ਚੱਲਿਆ, ਪੁਲਿਸ ਨੇ ਕਿਹਾ ਕਿ ਉਨ੍ਹਾਂ ਨੂੰ 29ਬੀ ਐਵੇਨਿਊ ਦੇ 26400 ਬਲਾਕ ਦੇ ਇੱਕ ਘਰ ਵਿਚ ਦੁਪਹਿਰ ਕਰੀਬ 11.15 ਵਜੇ ਗੋਲੀ ਚੱਲਣ ਦੀ ਰਿਪੋਰਟ ਮਿਲੀ ਸੀ।
ਘਟਨਾ ਦੇ ਮੱਦੇਨਜ਼ਰ ਲੋਅਰ ਮੇਨਲੈਂਡ ਇੰਟੀਗ੍ਰੇਟਿਡ ਐਮਰਜੈਂਸੀ ਰਿਸਪਾਂਸ ਟੀਮ ਨੂੰ ਤਾਇਨਾਤ ਕੀਤਾ ਗਿਆ ਅਤੇ ਅਧਿਕਾਰੀਆਂ ਨੇ ਇਲਾਕੇ ਨੂੰ ਘੇਰ ਲਿਆ, ਇਸ ਦੌਰਾਨ ਸ਼ੱਕੀ ਨੇ ਕਈ ਘੰਟੇ ਤੱਕ ਟਕਰਾਅ ਦੀ ਸਥਿਤੀ ਬਣਾਈ ਰੱਖੀ ਅਤੇ ਰਿਹਾਇਸ਼ ਦੇ ਅੰਦਰੋਂ ਪੁਲਿਸ ਡਰੋਨ ਉਤੇ ਗੋਲੀ ਚਲਾ ਦਿੱਤੀ। ਲਗਭਗ ਰਾਤ 8:30 ਵਜੇ ਸਥਿਤੀ ਕਾਬੂ ਵਿਚ ਹੋਈ ਅਤੇ ਸ਼ੱਕੀ ਨੂੰ ਹਿਰਾਸਤ ਵਿਚ ਲੈਣ ਮਗਰੋਂ ਹਸਪਤਾਲ ਲਿਜਾਇਆ ਗਿਆ।
ਪੁਲਿਸ ਨੇ ਕਿਹਾ ਕਿ ਇਹ ਸੰਭਾਵੀ ਤੌਰ 'ਤੇ ਖ਼ਤਰਨਾਕ ਸਥਿਤੀ ਸੀ ਪਰ ਸਾਡੇ ਅਧਿਕਾਰੀਆਂ ਨੇ ਸਬਰ ਅਤੇ ਸੰਜਮ ਨਾਲ ਸਥਿਤੀ ਨੂੰ ਬਿਨਾਂ ਕਿਸੇ ਘਟਨਾ ਦੇ ਹੈਂਡਲ ਕੀਤਾ। ਪੁਲਿਸ ਨੇ ਕਿਹਾ ਕਿ ਘਟਨਾ ਦੀ ਜਾਂਚ ਜਾਰੀ ਹੈ ਅਤੇ ਰਿਹਾਇਸ਼ 'ਤੇ ਸਰਚ ਵਾਰੰਟ ਜਾਰੀ ਕੀਤਾ ਜਾ ਰਿਹਾ ਹੈ।
