19.19C Vancouver 19.19C VancouverNov 10, 2023 7:20 PM - The Canadian Press
ਬੈਂਕ ਆਫ ਕੈਨੇਡਾ ਨੇ ਚੇਤਾਵਨੀ ਦਿੱਤੀ ਹੈ ਕਿ ਵਿਆਜ ਦਰਾਂ ਹੁਣ ਵਾਪਸ ਉਸ ਘੱਟ ਪੱਧਰ 'ਤੇ ਆਉਣ ਦੀ ਸੰਭਾਵਨਾ ਨਹੀਂ ਜੋ ਪਿਛਲੇ 15 ਸਾਲਾਂ ਵਿੱਚ ਦੇਖੀਆਂ ਗਈਆਂ ਸਨ।
ਸੈਂਟਰਲ ਬੈਂਕ ਦੀ ਸੀਨੀਅਰ ਡਿਪਟੀ ਗਵਰਨਰ ਕੈਰੋਲਿਨ ਰੋਜਰਸ ਨੇ ਵੈਨਕੂਵਰ ਵਿੱਚ ਇੱਕ ਨਿਊਜ਼ ਕਾਨਫਰੰਸ ਵਿੱਚ ਕਿਹਾ ਕਿ ਬਹੁਤ ਘੱਟ ਵਿਆਜ ਦਰਾਂ ਦਾ ਦੌਰ ਸਮਾਪਤ ਹੋ ਚੁੱਕਾ ਹੈ ਅਤੇ ਕੈਨੇਡੀਅਨਜ਼ ਨੂੰ ਉੱਚ ਵਿਆਜ ਦਰਾਂ ਦੇ ਮਾਹੌਲ ਵਿੱਚ ਖੁਦ ਨੂੰ ਢਾਲਣਾ ਪਵੇਗਾ।
ਉਨ੍ਹਾਂ ਕਿਹਾ ਕਿ ਵਿਸ਼ਵ ਭਰ ਵਿੱਚ ਲੋਕ ਉੱਚ ਵਿਆਜ ਦਰਾਂ ਦਾ ਸਾਹਮਣਾ ਕਰ ਰਹੇ ਹਨ।
ਸੀਨੀਅਰ ਡਿਪਟੀ ਗਵਰਨਰ ਨੇ ਕਿਹਾ ਕਿ ਯੂਕਰੇਨ ਜੰਗ ਅਤੇ ਇਜ਼ਰਾਇਲ-ਗਾਜ਼ਾ ਯੁੱਧ ਵਰਗੇ ਜਿਓਪੋਲਿਟੀਕਲ ਰਿਸਕ ਦੇ ਊਰਜਾ ਦੀਆਂ ਕੀਮਤਾਂ ਅਤੇ ਸਪਲਾਈ ਚੇਨ ਨੂੰ ਇਸ ਤਰ੍ਹਾਂ ਪ੍ਰਭਾਵਿਤ ਕਰਦੇ ਹਨ ਜਿਸ ਨਾਲ ਮਹਿੰਗਾਈ ਵੱਧ ਸਕਦੀ ਹੈ ਤਾਂ ਵਿਆਜ ਦਰ ਹੋਰ ਵਧਣਗੇ।
ਗੌਰਤਲਬ ਹੈ ਕਿ ਮਹਾਂਮਾਰੀ ਦੇ ਸਾਲਾਂ ਦੌਰਾਨ ਸੈਂਟਰਲ ਬੈਂਕ ਦਾ ਪ੍ਰਮੁੱਖ ਨੀਤੀ ਦਰ ਸਿਰਫ 0.25 ਫੀਸਦੀ ਸੀ ਜੋ ਮੌਜੂਦਾ ਸਮੇਂ 22 ਸਾਲਾਂ ਦੇ ਉੱਚੇ ਪੱਧਰ 5 ਫੀਸਦੀ 'ਤੇ ਹੈ।
ਬੈਂਕ ਆਫ ਕੈਨੇਡਾ ਨੇ ਮਹਿੰਗਾਈ ਨਾਲ ਨਜਿੱਠਣ ਲਈ ਮਾਰਚ 2022 ਤੋਂ ਜੁਲਾਈ 2023 ਤੱਕ ਵਿਆਜ ਦਰਾਂ ਵਿੱਚ 10 ਵਾਰ ਵਾਧਾ ਕੀਤਾ ਹੈ।
ਬੈਂਕ ਨੇ ਪਿਛਲੇ ਮਹੀਨੇ ਦਰਾਂ ਨੂੰ ਹੋਲਡ 'ਤੇ ਛੱਡ ਦਿੱਤਾ ਸੀ ਪਰ ਕਿਹਾ ਸੀ ਕਿ ਜੇ ਲੋੜ ਪਈ ਤਾਂ ਇਹ ਦੁਬਾਰਾ ਵੱਧ ਸਕਦੇ ਹਨ।
