13.85C Vancouver 13.85C VancouverSep 24, 2025 6:32 PM - The Canadian Press
ਐਲਬਰਟਾ ਸਰਕਾਰ ਨੂੰ ਸਿਹਤ ਸਮਝੌਤੇ ਸਬੰਧੀ ਲੱਗੇ ਦੋਸ਼ਾਂ ਲਈ ਹੋਈ ਜਾਂਚ ਦੀ ਅੰਤਰਿਮ ਰਿਪੋਰਟ ਅੱਜ ਮਿਲ ਜਾਵੇਗੀ ਪਰ ਇਸ ਨੂੰ ਜਨਤਕ ਨਹੀਂ ਕੀਤਾ ਜਾਵੇਗਾ। ਸਰਕਾਰ ਮੁਤਾਬਕ ਮੈਨੀਟੋਬਾ ਦੇ ਸਾਬਕਾ ਜੱਜ ਰੇਮੰਡ ਵਾਯੰਟ ਨੇ ਅੱਜ ਇਸ ਰਿਪੋਰਟ ਨੂੰ ਜਮ੍ਹਾਂ ਕਰਵਾਉਣਾ ਹੈ ਪਰ ਅਜੇ ਵੀ ਉਹ ਪੜਤਾਲ ਜਾਰੀ ਰੱਖਣਗੇ।
ਇਹ ਰਿਪੋਰਟ ਮਈ ਵਿਚ ਆਉਣੀ ਸੀ ਪਰ ਸੂਬੇ ਨੇ ਇਸ ਦੀ ਡੈੱਡਲਾਈਨ ਨੂੰ ਵਧਾ ਦਿੱਤਾ ਸੀ। ਅਸਲ ਵਿਚ ਵਾਯੰਟ ਨੂੰ ਸਰਕਾਰ ਨੇ ਜਾਂਚ ਸੌਂਪੀ ਹੈ ਅਤੇ ਉਨ੍ਹਾਂ ਇਸ ਸਬੰਧੀ ਜੋ ਦਸਤਾਵੇਜ਼ ਜਾਂ ਗਵਾਹ ਇਕੱਠੇ ਕਰਨੇ ਸਨ, ਉਨ੍ਹਾਂ ਦੀ ਪੜਤਾਲ ਵਿਚ ਕਾਫੀ ਸਮਾਂ ਲੱਗਾ।
ਉਨ੍ਹਾਂ ਨੇ 15 ਅਕਤੂਬਰ ਤੱਕ ਫਾਈਨਲ ਰਿਪੋਰਟ ਦੇਣੀ ਹੈ। ਗੌਰਤਲਬ ਹੈ ਕਿ ਐਲਬਰਟਾ ਹੈਲਥ ਸਰਵਿਸਸ ਦੀ ਸਾਬਕਾ ਮੁਖੀ ਦਾ ਦੋਸ਼ ਹੈ ਕਿ ਉਸ ਨੂੰ ਕਿਸੇ ਮਾਮਲੇ ਦੀ ਜਾਂਚ ਕਾਰਨ ਜਾਣ-ਬੁਝ ਕੇ ਨੌਕਰੀ ਤੋਂ ਕੱਢਿਆ ਗਿਆ ਹੈ। ਉਸ ਨੇ ਸੂਬਾ ਸਰਕਾਰ ਕੋਲੋਂ ਇਸ ਦਾ ਮੁਆਵਜ਼ਾ ਮੰਗਿਆ ਹੈ ਅਤੇ ਸਿਹਤ ਸਮਝੌਤੇ ਲਈ ਹੋਣ ਵਾਲੇ ਘੋਟਾਲਿਆ ਦਾ ਵੀ ਦੋਸ਼ ਲਾਇਆ ਹੈ। ਹਾਲਾਂਕਿ ਕੋਈ ਵੀ ਦੋਸ਼ ਅਜੇ ਅਦਾਲਤ ਵਿਚ ਸਾਬਤ ਨਹੀਂ ਹੋਇਆ।
