15.32C Vancouver 15.32C VancouverAug 5, 2020 7:54 PM -
ਲੈਬਨੌਨ 'ਚ ਮਦਦ ਲਈ ਅੰਤਰਰਾਸ਼ਟਰੀ ਫਲਾਈਟਾਂ ਪਹੁੰਚ ਰਹੀਆਂ ਹਨ।
ਸਥਾਨਿਕ ਸਰਕਾਰ ਵੀ ਮੰਗਲਵਾਰ ਨੂੰ ਹੋਏ ਖੌਫਨਾਕ ਧਮਾਕੇ ਦੇ ਕਾਰਨ ਹੋਏ ਨੁਕਸਾਨ ਨਾਲ ਨਜਿੱਠਣ ਦੀਆਂ ਕੋਸ਼ਿਸ਼ਾਂ ਕਰ ਰਹੀ ਹੈ।
ਇਸ ਧਮਾਕੇ 'ਚ ਘਟੋ-ਘੱਟ 135 ਲੋਕਾਂ ਦੀ ਮੌਤ ਹੋ ਗਈ ਹੈ ਅਤੇ ਹਜ਼ਾਰਾਂ ਲੋਕ ਹਸਪਤਾਲ ਪਹੁੰਚ ਗਏ ਹਨ।
ਜਾਂਚ ਅਧਿਕਾਰੀ ਇਹ ਪਤਾ ਲਗਾਉਣ ਦੀ ਕੋਸ਼ਿਸ਼ 'ਚ ਜੁਟੇ ਹਨ ਕਿ, ਆਖਿਰ ਪੋਰਟ ਦੇ ਕੋਲ ਇੱਕ ਵੇਅਰਹਾਊਸ 'ਚ ਕਰੀਬ 6 ਸਾਲ ਤੋਂ ਰੱਖੇ 2,750 ਟਨ ਅਮੋਨੀਅਮ ਨਾਈਟ੍ਰੇਟ ਬਾਰੇ ਕੁਝ ਕਿਉਂ ਨਹੀਂ ਕੀਤਾ ਗਿਆ ਸੀ।
ਭਾਲ ਅਤੇ ਬਚਾਅ ਟੀਮਾਂ, ਮੈਡਿਕਲ ਟੀਮਾਂ, ਲੋਕਾਂ ਦੀ ਮਦਦ ਲਈ ਪੈਕੇਜ, ਅਤੇ ਮਲਬੇ 'ਚ ਫਸੇ ਪੀੜਤਾਂ ਦੀ ਮਦਦ ਲਈ ਇਕਵਿਪਮੈਂਟ ਭੇਜੀ ਜਾ ਰਹੀ ਹੈ।
ਆਸਟ੍ਰੇਲੀਆ, ਇੰਡੋਨੇਸ਼ੀਆ ਅਤੇ ਯੂਰੋਪ ਤੋਂ ਮਦਦ ਪਹੁੰਚ ਰਹੀ ਹੈ।
ਰੂਸ ਦੇ ਐਮਰਜੈਂਸੀ ਮੰਤਰਾਲੇ ਦਾ ਕਹਿਣਾ ਹੈ ਕਿ, ਬਚਾਅ ਟੀਮਾਂ ਵਾਲਾ ਉਨ੍ਹਾਂ ਦਾ ਪਹਿਲਾ ਹਵਾਈ ਜਹਾਜ਼ ਵੀ ਲੈਬਨੌਨ ਪਹੁੰਚ ਗਿਆ ਹੈ।
ਜਾਣਕਾਰੀ ਦਿੱਤੀ ਗਈ ਕਿ ਇਸ ਵਿੱਚ ਇੱਕ ਮੋਬਾਈਲ ਹਸਪਤਾਲ ਵੀ ਸ਼ਾਮਿਲ ਹੈ, ਜਿਸ ਵਿੱਚ 50 ਐਮਰਜੈਂਸੀ ਵਰਕਰ ਅਤੇ ਮੈਡਿਕਲ ਸਟਾਫ਼ ਸ਼ਾਮਿਲ ਹਨ।
