21.05C Vancouver 21.05C VancouverMar 9, 2021 8:28 PM -
ਓਪਰਾਹ ਵਿਨਫਰੀ ਦਾ ਪ੍ਰਿੰਸ ਹੈਰੀ ਅਤੇ ਮੇਘਨ ਮਾਰਕਲ ਨਾਲ ਕੀਤਾ ਇੰਟਰਵਿਊ ਦਰਸ਼ਕਾਂ ਲਈ ਖਿੱਚ ਦਾ ਕੇਂਦਰ ਬਣ ਰਿਹਾ ਹੈ।
ਅਮਰੀਕਾ 'ਚ ਐਤਵਾਰ ਤਕ ਦੇ ਡਾਟਾ ਅਨੁਸਾਰ ਇਸ ਇੰਟਰਵਿਊ ਨੂੰ 17.1 ਮਿਲੀਅਨ ਲੋਕਾਂ ਨੇ ਵੇਖ ਲਿਆ ਹੈ।
ਇਹ ਅੰਕੜੇ ਨੀਲਸਨ ਕੰਪਨੀ ਵੱਲੋਂ ਜਾਰੀ ਕੀਤੇ ਗਏ ਹਨ।
ਵਿਨਫਰੀ ਨਾਲ ਹੋਈ ਗੱਲਬਾਤ ਦੌਰਾਨ ਦੋਵਾਂ ਨੇ ਰਾਇਲ ਪਰਿਵਾਰ ਬਾਰੇ ਕਈ ਖੁਲਾਸੇ ਕੀਤੇ ਹਨ।
ਇਸ 'ਚ ਨਸਲਵਾਦ ਅਤੇ ਕਈ ਹੋਰ ਸੰਵੇਦਨਸ਼ੀਲ ਮੁੱਦਿਆਂ 'ਤੇ ਹੋਈ ਗੱਲਬਾਤ ਸ਼ਾਮਿਲ ਹੈ।
ਨੀਲਸਨ ਦਾ ਕਹਿਣਾ ਹੈ ਕਿ ਇਸ ਇੰਟਰਵਿਊ ਨੇ ਉਨ੍ਹਾਂ ਦੇ ਇਸ ਸੀਜ਼ਨ ਦੇ ਕਿਸੇ ਵੀ ਪ੍ਰਾਈਮ-ਟਾਈਮ ਸਪੈਸ਼ਲ ਦੀ ਵਿਊਰਸ਼ਿਪ ਨੂੰ ਪਛਾੜ ਦਿੱਤਾ ਹੈ।
ਯਾਦ ਰਹੇ ਇੰਟਰਵਿਊ ਦੌਰਾਨ ਮੇਘਨ ਨੇ ਕਿਹਾ ਸੀ ਕਿ ਉਨ੍ਹਾਂ ਦੇ ਮਨ 'ਚ ਖੁਦਕੁਸ਼ੀ ਦੇ ਵਿਚਾਰ ਆਏ ਸਨ।
