27.43C Vancouver 27.43C VancouverOct 29, 2022 12:32 AM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਯੂ.ਐਸ. ਹਾਊਸ ਸਪੀਕਰ ਨੈਨਸੀ ਪੈਲੋਸੀ ਦੇ ਪਤੀ ਪੌਲ ਪੈਲੋਸੀ 'ਤੇ ਹਿੰਸਕ ਹਮਲੇ ਦੀ ਨਿਖੇਧੀ ਕੀਤੀ ਹੈ।
ਟਰੂਡੋ ਨੇ ਇੱਕ ਟਵੀਟ ਕਰ ਕਿਹਾ ਕਿ ਉਹ ਇਸ ਹਿੰਸਕ ਹਮਲੇ ਦੀ ਨਿੰਦਿਆ ਕਰਦੇ ਹਨ ਅਤੇ ਅਜਿਹਾ ਹਮਲਾ ਨਿਰਾਸ਼ਾਜਨਕ ਹੈ।
ਉਨ੍ਹਾਂ ਕਿਹਾ ਕਿ ਪੌਲ ਪੈਲੋਸੀ ਦੀ ਜਲਦੀ ਰਿਕਵਰੀ ਦੀ ਪ੍ਰਾਰਥਨਾ ਕਰ ਰਹੇ ਲੋਕਾਂ ਨਾਲ ਉਨ੍ਹਾਂ ਦੀ ਪ੍ਰਾਰਥਨਾ ਵੀ ਸ਼ਾਮਿਲ ਹੈ।
ਟਰੂਡੋ ਨੇ ਕਿਹਾ ਕਿ ਉਨ੍ਹਾਂ ਦੀ ਸੋਚ ਵਿੱਚ ਇਸ ਵੇਲੇ ਨੈਨਸੀ ਪੈਲੋਸੀ, ਉਨ੍ਹਾਂ ਦੇ ਪਤੀ ਅਤੇ ਉਨ੍ਹਾਂ ਦਾ ਪੂਰਾ ਪਰਿਵਾਰ ਹੈ।
ਯਾਦ ਰਹੇ ਇਸ ਮਾਮਲੇ 'ਚ 42 ਸਾਲਾ ਡੇਵਿਡ ਡਿਪਾਪੇ ਨਾਮ ਦੇ ਵਿਅਕਤੀ 'ਤੇ ਦੋਸ਼ ਲੱਗੇ ਹਨ।
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਸ਼ੁੱਕਰਵਾਰ ਸਵੇਰ ਦੇ ਸਮੇਂ ਵਾਪਰੀ ਘਟਨਾ 'ਚ ਇੱਕ ਵਿਅਕਤੀ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ।
ਪੌਲ ਪੈਲੋਸੀ ਦੀ ਉਮਰ 82 ਸਾਲ ਹੈ।
ਅਧਿਕਾਰੀਆਂ ਅਨੁਸਾਰ ਪੌਲ ਪੈਲੋਸੀ ਨੂੰ ਹਸਪਤਾਲ ਪਹੁੰਚਾਇਆ ਗਿਆ ਸੀ।
ਯੂ.ਐਸ. ਕੈਪੀਟਲ ਪੁਲਿਸ ਅਨੁਸਾਰ ਘਟਨਾ ਮੌਕੇ ਨੈਨਸੀ ਪੈਲੋਸੀ ਵਾਸ਼ਿੰਗਟਨ 'ਚ ਮੌਜੂਦ ਸਨ।
ਕੈਪੀਟਲ ਪੁਲਿਸ ਅਨੁਸਾਰ ਹਮਲੇ ਦੇ ਇਰਾਦੇ ਸੰਬੰਧੀ ਜਾਂਚ ਕੀਤੀ ਜਾ ਰਹੀ ਹੈ।
ਸੈਨ ਫਰੈਂਸਿਸਕੋ ਪੁਲਿਸ ਦਾ ਕਹਿਣਾ ਹੈ ਕਿ ਘਟਨਾ ਸੰਬੰਧੀ ਉਨ੍ਹਾਂ ਕੋਲ ਤਸਕੇ ਕਰੀਬ 2.27 ਵਜੇ ਜਾਣਕਾਰੀ ਪਹੁੰਚੀ ਸੀ।
ਪੌਲ ਪੈਲੋਸੀ ਨੂੰ ਰਗੜਾਂ ਅਤੇ ਗੰਭੀਰ ਸੋਜ ਸੰਬੰਧੀ ਇਲਾਜ ਪ੍ਰਦਾਨ ਕੀਤਾ ਗਿਆ।
ਸੈਨ ਫਰੈਂਸਿਸਕੋ ਪੁਲਿਸ ਚੀਫ਼ ਵਿਲੀਅਮ ਸਕੌਟ ਨੇ ਜਾਣਕਾਰੀ ਦਿੱਤੀ ਕਿ ਸ਼ੱਕੀ ਆਦਮੀ 'ਤੇ ਮਲਟੀਪਲ ਦੋਸ਼ ਤੈਅ ਕੀਤੇ ਜਾ ਰਹੇ ਹਨ।
