14.15C Vancouver 14.15C VancouverNov 4, 2021 8:24 PM - The Canadian Press
ਕੈਨੇਡਾ ਦੀ ਨਵੀਂ ਰੱਖਿਆ ਮੰਤਰੀ ਦਾ ਕਹਿਣਾ ਹੈ ਕਿ ਉਨ੍ਹਾਂ ਇਸ ਸਿਫਾਰਸ਼ ਨੂੰ ਮਨਜੂਰ ਕਰ ਲਿਆ ਹੈ ਕਿ ਮਿਲਟਰੀ 'ਚ ਜਿਨਸੀ ਹਮਲੇ ਜਾਂ ਜਿਨਸੀ ਬਦਸਲੂਕੀ ਸੰਬੰਧੀ ਮਾਮਲਿਆਂ ਦੀ ਜਾਂਚ ਅਤੇ ਪ੍ਰਾਸੀਕਿਊਸ਼ਨ ਨੂੰ ਫੋਰਸ ਦੇ ਕੰਟਰੋਲ ਤੋਂ ਬਾਹਰ ਸਿਵਿਲੀਅਨ ਪੁਲਿਸ ਦੇ ਹੱਥ ਦਿੱਤਾ ਜਾਵੇ।
ਅਨੀਤਾ ਅਨੰਦ ਨੇ ਅੱਜ ਕਿਹਾ ਕਿ ਫੈਡਰਲ ਸਰਕਾਰ ਨੇ ਰਿਟਾਇਰਡ ਸੁਪ੍ਰੀਮ ਕੋਰਟ ਜਸਟਿਸ ਲੁਈਸ ਆਰਬੋਰ ਦੀ ਸਿਫਾਰਸ਼ ਨੂੰ ਪੂਰੀ ਤਰ੍ਹਾਂ ਮਨਜੂਰੀ ਦੇ ਦਿੱਤੀ ਹੈ।
ਆਰਬੋਰ ਦੂਜੀ ਰਿਟਾਇਰਡ ਸੁਪ੍ਰੀਮ ਕੋਰਟ ਜਸਟਿਸ ਸਨ ਜਿੰਨਾ ਮਿਲਟਰੀ ਨੂੰ ਜਿਨਸੀ ਬਦਸਲੂਕੀ ਸੰਬੰਧੀ ਅਪਰਾਧਿਕ ਮਾਮਲਿਆਂ ਨੂੰ ਸਿਵਿਲੀਅਨ ਅਥਾਰਿਟੀਸ ਦੇ ਸਪੁਰਦ ਕਰਨ ਦੀ ਮੰਗ ਕੀਤੀ ਸੀ।
ਮਿਲਟਰੀ ਜਸਟਿਸ ਸਿਸਟਮ ਦੇ ਰੀਵਿਊ ਤੋਂ ਬਾਅਦ ਜੂਨ ਮਹੀਨੇ 'ਚ ਮੌਰਿਸ ਫਿਸ਼ ਨੇ ਵੀ ਇਸੇ ਪ੍ਰਕਾਰ ਦੀ ਰੈਕਮੈਂਡੇਸ਼ਨ ਕੀਤੀ ਸੀ।
ਉਸ ਮੌਕੇ ਸਰਕਾਰ ਨੇ ਕਿਹਾ ਸੀ ਕਿ ਫਿਸ਼ ਦੀ ਸਿਫਾਰਸ਼ ਨਾਲ ਸਹਿਮਤੀ ਤਾਂ ਹੈ ਪਰ ਇਸ 'ਤੇ ਕੋਈ ਐਕਸ਼ਨ ਲਏ ਜਾਣ 'ਤੇ ਫੈਸਲਾ ਬਾਕੀ ਹੈ।
