ਮਾਂਟਰੀਅਲ ਨੇੜੇ ਚਾਕੂ ਮਾਰ ਕੇ ਦੋ ਔਰਤਾਂ ਦੀ ਕੀਤੀ ਹੱਤਿਆ

ਮਾਂਟਰੀਅਲ ਨੇੜੇ 2 ਔਰਤਾਂ ਦੀ ਹੱਤਿਆ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਜਾਣਕਾਰੀ ਮੁਤਾਬਿਕ ਤੀਜੀ ਔਰਤ ਗੰਭੀਰ ਰੂਪ ’ਚ ਜ਼ਖ਼ਮੀ ਹੈ, ਜਿਸ ਨੂੰ ਹਸਪਤਾਲ ’ਚ ਦਾਖ਼ਲ ਕਰਵਾਇਆ ਗਿਆ ਹੈ ਪੁਲਿਸ ਵਲੋਂ ਵੌਡਰੇਯੂਲ-ਡੋਰਿਅਨ, ਕਿਊ ਵਿੱਚ ਇੱਕ ਕੰਡੋ ਟਾਵਰ ਵਿੱਚ ਵੀਰਵਾਰ ਨੂੰ ਮਾਰੀਆਂ ਗਈਆਂ ਔਰਤਾਂ ਦੀ ਉਮਰ ਜਾਰੀ ਨਹੀਂ ਕੀਤੀ ਹੈ।

ਸਾਰਜੈਂਟ ਕੈਥਰੀਨ ਬਰਨਾਰਡ ਦਾ ਕਹਿਣਾ ਹੈ ਕਿ ਇੱਕ 70 ਸਾਲਾ ਔਰਤ ਨੂੰ ਜਾਨਲੇਵਾ ਸੱਟਾਂ ਨਾਲ ਹਸਪਤਾਲ ਭੇਜਿਆ ਗਿਆ ਸੀ।

ਬਰਨਾਰਡ ਦਾ ਕਹਿਣਾ ਹੈ ਕਿ ਇਕ 44 ਸਾਲਾ ਵਿਅਕਤੀ ਨੂੰ ਗ੍ਰਿਫਤਾਰ ਕਰ ਕੇ ਹਸਪਤਾਲ ਭੇਜਿਆ ਗਿਆ। ਪੁਲਿਸ ਵਲੋਂ ਇਸ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ ਤੇ ਜ਼ਖ਼ਮੀ ਔਰਤ ਤੋਂ ਵੀ ਪੁੱਛਗਿੱਛ ਕੀਤੀ ਜਾ ਰਹੀ ਹੈ।