12.83C Vancouver 12.83C VancouverAug 2, 2022 10:13 PM - The Canadian Press
ਕੈਲੋਨਾ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਇਲਾਕੇ 'ਚ ਇੱਕ ਇੰਪੇਅਰਡ ਡਰਾਈਵਰ ਸੰਬੰਧੀ ਮਿਲੀ ਸ਼ਿਕਾਇਤ ਦੀ ਜਾਂਚ ਦੌਰਾਨ ਵੱਡੀ ਗਿਣਤੀ 'ਚ ਡਰੱਗਸ ਅਤੇ ਹਥਿਆਰ ਬਰਾਮਦ ਹੋਏ ਹਨ।
ਪੁਲਿਸ ਨੇ ਦੱਸਿਆ ਕਿ ਮਾਮਲਾ ਐਤਵਾਰ ਦਾ ਹੈ।
ਪੁਲਿਸ ਅਨੁਸਾਰ 2 ਲੋਕ ਮਰਸਡੀਜ਼ ਬੈਨਜ ਗੱਡੀ 'ਚ ਸਵਾਰ ਸਨ।
ਦੋਵਾਂ ਨੇ ਗੱਡੀ ਪਾਰਕੇਡ ਵਿੱਚੋਂ ਕੱਢਣ ਦੀ ਕੋਸ਼ਿਸ਼ ਕੀਤੀ ਪਰ ਉਸੇ ਸਮੇਂ ਪੁਲਿਸ ਮੌਕੇ 'ਤੇ ਪਹੁੰਚ ਗਈ।
ਆਰ.ਸੀ.ਐਮ.ਪੀ. ਦੇ ਬਿਆਨ 'ਚ ਦੱਸਿਆ ਗਿਆ ਕਿ ਦੋਵਾਂ ਆਦਮੀਆਂ ਲਈ ਮੈਂਡੇਟੋਰੀ ਫਾਇਰਆਰਮ ਪ੍ਰੋਹਿਬਸ਼ਨ ਦੀਆਂ ਸ਼ਰਤਾਂ ਜਾਰੀ ਸਨ ਅਤੇ ਦੋਵਾਂ ਵਿੱਚੋਂ ਇੱਕ ਨੇ ਗੱਡੀ ਦੇ ਟਰੰਕ 'ਚ ਦਾਖਿਲ ਹੋ ਕੇ ਪੁਲਿਸ ਤੋਂ ਲੁਕਣ ਦੀ ਕੋਸ਼ਿਸ਼ ਕੀਤੀ।
ਜਦ ਉਸ ਦੀ ਭਾਲ ਹੋਈ ਤਾਂ ਉਹ ਕਈ ਭਰੀਆਂ ਹੋਈਆਂ ਬੰਦੂਕਾਂ ਦੇ ਬਰਾਬਰ ਪਿਆ ਸੀ।
ਪੁਲਿਸ ਨੇ ਦੱਸਿਆ ਕਿ ਵਾਹਨ ਵਿੱਚੋਂ ਚੋਰੀ ਦੀ ਪ੍ਰਾਪਰਟੀ ਤੋਂ ਇਲਾਵਾ ਕਰੈਕ ਕੋਕੇਨ ਜਿਹੇ ਡਰੱਗਸ ਬਰਾਮਦ ਹੋਏ।
ਪੁਲਿਸ ਨੇ ਦੱਸਿਆ ਕਿ ਗੱਡੀ ਵਿੱਚ ਏ.ਆਰ. 15 ਸਟਾਈਲ ਦੀ ਰਾਈਫਲ, ਭਰੀ ਹੋਈ 30 ਰਾਊਂਡ ਦੀ ਹਾਈ ਕਪੈਸਿਟੀ ਮੈਗਜੀਨ, ਲੋਡ ਕੀਤੀ ਹੋਈ ਪੰਪ ਐਕਸ਼ਨ ਸ਼ੌਟਗੰਨ, 2 ਸੈਮੀ-ਔਟੋਮੈਟਿਕ ਰਾਈਫਲਸ ਅਤੇ ਕਈ ਰੈਪਲਿਕਾ ਬੰਦੂਕਾਂ ਮਿਲੀਆਂ।
