16.12C Vancouver 16.12C VancouverJan 14, 2020 8:17 PM -
ਮੰਗਲਵਾਰ ਨੂੰ ਇਰਾਨ ਦੀ ਨਿਆਂਪਾਲਿਕਾ ਨੇ ਆਖਿਆ ਕਿ ਯੁਕ੍ਰੇਨੀਅਨ ਵਿਮਾਨ ਦੇ 'ਗਲਤੀ ਨਾਲ ਗਿਰਾਏ ਜਾਣ' ਦੇ ਮਾਮਲੇ ਵਿੱਚ ਗਿਰਫਤਾਰੀਆਂ ਹੋਈਆਂ ਹਨ।
ਇਹ ਐਲਾਨ ਉਸ ਵੇਲੇ ਕੀਤਾ ਗਿਆ ਹੈ ਜਦ ਇਰਾਨ ਦੇ ਵਿੱਚ ਲੋਕਾਂ ਨੇ ਘਟਨਾ ਨੂੰ ਲੈਕੇ ਮੁਜਾਹਰੇ ਕਰਨੇ ਸ਼ੁਰੂ ਕਰ ਦਿੱਤੇ ਹਨ।
ਕੁਝ ਸੀਨੀਅਰ ਅਧਿਕਾਰੀਆਂ ਵੱਲੋਂ ਘਟਨਾ 'ਤੇ ਪਰਦਾ ਪਾਏ ਜਾਣ ਦੀ ਕੋਸ਼ਿਸ਼ ਵੀ ਲੋਕਾਂ ਨੂੰ ਹਜਮ ਨਹੀਂ ਹੋ ਰਹੀ।
ਘਟਨਾ ਤੋਂ ਬਾਅਦ ਇਰਾਨ ਨੇ ਕੁਝ ਦਿਨ ਤਕ ਇਸਤੋਂ ਇਨਕਾਰ ਕੀਤਾ ਸੀ ਕਿ ਉਨ੍ਹਾਂ ਦੀ ਹੀ ਇੱਕ ਮਿਸਾਈਲ ਕਾਰਨ ਵਿਮਾਨ ਸਿੱਟਿਆ ਗਿਆ ਸੀ।
ਅਮਰੀਕਾ ਅਤੇ ਕੈਨੇਡਾ ਵੱਲੋਂ ਬਿਆਨ ਦਿੱਤੇ ਜਾਣ ਤੋਂ ਬਾਅਦ, ਸ਼ਨੀਵਾਰ ਨੂੰ ਇਰਾਨ ਨੇ ਮੰਨਿਆ ਸੀ ਕਿ ਵਿਮਾਨ ਉਨ੍ਹਾਂ ਦੀ ਹੀ ਇੱਕ ਮਿਸਾਈਲ ਦਾ ਨਿਸ਼ਾਨਾ ਬਣ ਗਿਆ ਸੀ।
ਨਿਆਂਪਾਲਿਕਾ ਦੇ ਬੁਲਾਰੇ ਗੁਲਾਮਹੁਸੈਨ ਇਸਮਾਇਲੀ ਨੇ ਆਖਿਆ ਕਿ, ਗਹਿਰਾਈ ਦੇ ਵਿੱਚ ਜਾਂਚ ਕੀਤੀ ਜਾ ਰਹੀ ਹੈ, ਅਤੇ ਕੁਝ ਲੋਕਾਂ ਦੀ ਗਿਰਫਤਾਰੀ ਵੀ ਹੋਈ ਹੈ।'
ਹਾਲਾਂਕਿ ਕਿੰਨੇ ਲੋਕਾਂ ਦੀ ਗਿਰਫਤਾਰੀ ਹੋਈ ਹੈ, ਜਾਂ ਉਨ੍ਹਾਂ ਦੇ ਨਾਮ ਕੀ ਹਨ, ਇਸਦੇ ਬਾਰੇ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਗਈ।
ਯਾਦ ਰਹੇ ਇਸ ਵਿਮਾਨ ਕਰੈਸ਼ ਵਿੱਚ 176 ਲੋਕਾਂ ਦੀ ਜਾਨ ਜਾਂਦੀ ਰਹੀ ਸੀ।
