ਭਾਰਤੀਆਂ ਦੀ ਇਵੈਕੂਏਸ਼ਨ ਲਈ ਇਰਾਨ ਨੇ ਮੁੜ ਖੋਲ੍ਹੀ ਏਅਰਸਪੇਸ

ਇਜ਼ਰਾਇਲ ਨਾਲ ਜੰਗ ਵਿਚਕਾਰ ਈਰਾਨ ਨੇ ਭਾਰਤੀ ਨਿਕਾਸੀ ਦੀਆਂ ਉਡਾਣਾਂ ਲਈ ਵਿਸ਼ੇਸ਼ ਤੌਰ 'ਤੇ ਆਪਣਾ ਏਅਰਸਪੇਸ ਖੋਲ੍ਹ ਦਿੱਤਾ ਹੈ। ਭਾਰਤ ਸਰਕਾਰ ਦੇ ਓਪਰੇਸ਼ਨ ਸਿੰਧੂ ਤਹਿਤ ਦੋ ਦਿਨਾਂ ਵਿਚ ਈਰਾਨੀ ਸ਼ਹਿਰਾਂ ਵਿਚ ਫਸੇ ਘੱਟੋ-ਘੱਟ 1,000 ਭਾਰਤੀ ਵਿਦਿਆਰਥੀ ਦਿੱਲੀ ਪਹੁੰਚਣਗੇ। ਪਹਿਲੀ ਫਲਾਈਟ ਅੱਜ ਰਾਤ ਪਹੁੰਚੇਗੀ, ਜਦੋਂ ਕਿ ਦੋ ਹੋਰ ਉਡਾਣਾਂ ਸ਼ਨੀਵਾਰ ਲਈ ਸ਼ੈਡਿਊਲ ਕੀਤੀਆਂ ਗਈਆਂ ਹਨ।

ਇਜ਼ਰਾਈਲ ਅਤੇ ਈਰਾਨ ਵਿਚ ਹੋ ਰਹੇ ਮਿਜ਼ਾਈਲ ਅਤੇ ਡਰੋਨ ਹਮਲਿਆਂ ਦਰਮਿਆਨ ਈਰਾਨੀ ਹਵਾਈ ਖੇਤਰ ਜ਼ਿਆਦਾਤਰ ਅੰਤਰਰਾਸ਼ਟਰੀ ਉਡਾਣਾਂ ਲਈ ਬੰਦ ਹੈ, ਜਦੋਂ ਕਿ ਭਾਰਤ ਨੂੰ ਆਪਣੇ ਵਿਦਿਆਰਥੀਆਂ ਨੂੰ ਕੱਢਣ ਲਈ ਵਿਸ਼ੇਸ਼ ਕੋਰੀਡੋਰ ਦਿੱਤਾ ਗਿਆ ਹੈ।

ਅਰਮੀਨੀਆ ਰਾਹੀਂ ਵੀ ਭਾਰਤ ਆਪਣੇ ਨਾਗਰਿਕਾਂ ਨੂੰ ਕੱਢ ਰਿਹਾ ਹੈ। ਵਿਦੇਸ਼ ਮੰਤਰਾਲਾ ਨੇ ਇੱਕ ਬਿਆਨ ਵਿਚ ਕਿਹਾ ਕਿ ਭਾਰਤ ਸਰਕਾਰ ਈਰਾਨ ਅਤੇ ਅਰਮੀਨੀਆ ਦੀਆਂ ਸਰਕਾਰਾਂ ਦੀ ਧੰਨਵਾਦੀ ਹੈ ਕਿ ਉਨ੍ਹਾਂ ਨੇ ਆਪਣੇ ਖੇਤਰਾਂ ਵਿਚੋਂ ਭਾਰਤੀ ਨਾਗਰਿਕਾਂ ਨੂੰ ਸੁਰੱਖਿਅਤ ਰਸਤਾ ਪ੍ਰਦਾਨ ਕੀਤਾ।