21.82C Vancouver 21.82C VancouverNov 15, 2024 5:02 PM - Connect Newsroom
ਟੇਸਲਾ ਦੇ ਚੀਫ ਅਤੇ ਡੋਨਲਡ ਟਰੰਪ ਦੇ ਕਰੀਬੀ ਸਲਾਹਕਾਰ ਐਲੋਨ ਮਸਕ ਨੇ ਸੰਯੁਕਤ ਰਾਸ਼ਟਰ ਵਿਚ ਈਰਾਨ ਦੇ ਰਾਜਦੂਤ ਆਮਿਰ ਸਈਦ ਇਰਵਾਨੀ ਨਾਲ ਸੋਮਵਾਰ ਨਿਊਯਾਰਕ ਵਿਚ ਕਿਸੇ ਗੁਪਤ ਸਥਾਨ ’ਤੇ ਗੁੱਪਚੁਪ ਮੁਲਾਕਾਤ ਕੀਤੀ।
ਰਿਪੋਰਟਸ ਮੁਤਾਬਕ, ਇਹ ਮੁਲਾਕਾਤ ਈਰਾਨ ਅਤੇ ਅਮਰੀਕਾ ਵਿਚਕਾਰ ਤਣਾਅ ਘੱਟ ਕਰਨ ਦੇ ਮਕਸਦ ਨਾਲ ਹੋਈ।
ਇਸ ਮੀਟਿੰਗ ਲਈ ਪਹਿਲ ਐਲੋਨ ਮਸਕ ਨੇ ਕੀਤੀ ਅਤੇ ਮੁਲਾਕਾਤ ਦੀ ਜਗ੍ਹਾ ਦੀ ਚੋਣ ਈਰਾਨੀ ਰਾਜਦੂਤ ਨੇ ਕੀਤੀ। ਦੋਵਾਂ ਵਿਚਕਾਰ ਇੱਕ ਘੰਟੇ ਤੋਂ ਜ਼ਿਆਦਾ ਸਮੇਂ ਤੱਕ ਗੱਲਬਾਤ ਹੋਈ। ਸੂਤਰਾਂ ਨੇ ਕਿਹਾ ਕਿ ਈਰਾਨੀ ਰਾਜੂਦਤ ਗੱਲਬਾਤ ਤੋਂ ਖੁਸ਼ ਨਜ਼ਰ ਆਏ।ਗੌਰਤਲਬ ਹੈ ਕਿ ਟਰੰਪ ਪ੍ਰਸ਼ਾਸਨ ਵਿਚ ਐਲੋਨ ਮਸਕ ਸਭ ਤੋਂ ਪਾਵਰਫੁਲ ਪ੍ਰਾਈਵੇਟ ਨਾਗਰਿਕ ਵਜੋਂ ਉਭਰੇ ਹਨ।
ਉਹ ਭਾਰਤੀ ਮੂਲ ਦੇ ਵਿਵੇਕ ਰਾਮਾਸਵਾਮੀ ਨਾਲ ਮਿਲ ਕੇ ਟਰੰਪ ਪ੍ਰਸ਼ਾਸਨ ਵਿਚ ਸਰਕਾਰ ਨੂੰ ਸਲਾਹ ਦੇਣ ਵਾਲਾ ਨਵਾਂ ਡਿਪਾਰਟਮੈਂਟ ਸੰਭਾਲਣਗੇ ਪਰ ਈਰਾਨੀ ਰਾਜੂਦਤ ਨਾਲ ਮਸਕ ਦੀ ਮੁਲਾਕਾਤ ਅਜਿਹੇ ਸਮੇਂ ਹੋਈ ਹੈ ਜਦੋਂ ਮੰਨਿਆ ਜਾ ਰਿਹਾ ਹੈ ਕਿ ਟਰੰਪ ਦੇ ਰਾਸ਼ਟਰਪਤੀ ਅਹੁਦਾ ਸੰਭਾਲਣ ਤੋਂ ਬਾਅਦ ਅਗਲੇ 4 ਸਾਲ ਈਰਾਨ ਲਈ ਮੁਸ਼ਕਲ ਸਾਬਤ ਹੋ ਸਕਦੇ ਹਨ।
