11.91C Vancouver 11.91C VancouverNov 27, 2023 5:30 PM - The Canadian Press
ਇਜ਼ਰਾਈਲ ਅਤੇ ਹਮਾਸ ਵਿਚਾਲੇ ਜੰਗਬੰਦੀ ਨੂੰ ਦੋ ਦਿਨਾਂ ਲਈ ਵਧਾ ਦਿੱਤਾ ਗਿਆ ਹੈ। ਦੋਵਾਂ ਦਿਨਾਂ ਵਿੱਚ ਹਮਾਸ ਵੱਲੋਂ 10-10 ਬੰਧਕਾਂ ਨੂੰ ਰਿਹਾਅ ਕੀਤਾ ਜਾਵੇਗਾ। ਕਤਰ ਨੇ ਕਿਹਾ ਕਿ ਇਜ਼ਰਾਈਲ ਅਤੇ ਹਮਾਸ ਮੌਜੂਦਾ ਜੰਗਬੰਦੀ ਵਿੱਚ ਦੋ ਦਿਨ ਦੇ ਵਾਧੇ ਲਈ ਸਹਿਮਤ ਹੋਏ ਹਨ।
ਡੀਲ ਤਹਿਤ ਇਜ਼ਰਾਈਲ 60 ਫਲਸਤੀਨੀ ਕੈਦੀਆਂ ਨੂੰ ਰਿਹਾਅ ਕਰੇਗਾ। ਇਸ ਤੋਂ ਪਹਿਲਾਂ ਦੋਹਾਂ ਧਿਰਾਂ ਵਿਚਕਾਰ 24 ਨਵੰਬਰ ਤੋਂ 4 ਦਿਨਾਂ ਦੇ ਸੀਜ਼ਫਾਇਰ ਦੀ ਸਹਿਮਤੀ ਬਣੀ ਸੀ ਜਿਸ ਦਾ ਸੋਮਵਾਰ ਯਾਨੀ ਅੱਜ ਆਖਰੀ ਦਿਨ ਸੀ।
ਉਥੇ ਹੀ ਇਸ ਵਿਚਕਾਰ ਟੈਸਲਾ ਦੇ ਸੀ. ਈ. ਓ. ਐਲੋਨ ਮਸਕ ਇਜ਼ਰਾਈਲ ਪਹੁੰਚੇ ਹਨ ਜਿੱਥੇ ਉਨ੍ਹਾਂ ਨੇ ਇਜ਼ਰਾਈਲ ਦੇ ਪ੍ਰਧਾਨ ਮੰਤਰੀ ਨੇਤਨਯਾਹੂ ਨਾਲ ਮੁਲਾਕਾਤ ਕੀਤੀ। ਦੋਵਾਂ ਨੇ ਕਬਟਜ਼ ਇਲਾਕੇ ਦਾ ਦੌਰਾ ਕੀਤਾ ਜਿਥੇ ਹਮਾਸ ਨੇ 7 ਅਕਤੂਬਰ ਨੂੰ ਹਮਲਾ ਕੀਤਾ ਸੀ।
ਐਲੋਨ ਮਸਕ Elon Musk ਨੇ ਇਸ ਦੌਰੇ ਦੌਰਾਨ ਸਹਿਮਤੀ ਦਿੱਤੀ ਕਿ ਇਜ਼ਰਾਈਲੀ ਸਰਕਾਰ ਦੀ ਮਨਜ਼ੂਰੀ ਤੋਂ ਬਿਨਾਂ ਗਾਜ਼ਾ ਵਿਚ 'ਸਟਾਰਲਿੰਕ' ਸੈਟੇਲਾਈਟ ਇੰਟਰਨੈਟ ਸੇਵਾਵਾਂ ਨੂੰ ਸ਼ੁਰੂ ਨਹੀਂ ਕੀਤਾ ਜਾਵੇਗਾ।
