29.67C Vancouver 29.67C VancouverDec 17, 2024 5:45 PM - Connect Newsroom
ਇਜ਼ਰਾਇਲ-ਹਮਾਸ ਵਿਚਕਾਰ ਆਉਣ ਵਾਲੇ ਦਿਨਾਂ ਵਿਚ ਗਾਜ਼ਾ ਜੰਗਬੰਦੀ ਲਈ ਸਮਝੌਤਾ ਹੋ ਸਕਦਾ ਹੈ। ਰਿਪੋਰਟਸ ਮੁਤਾਬਕ, ਇਜ਼ਰਾਇਲ ਦੇ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਕਥਿਤ ਤੌਰ ’ਤੇ ਜੰਗਬੰਦੀ ’ਤੇ ਗੱਲਬਾਤ ਲਈ ਕਾਇਰੋ ਜਾ ਰਹੇ ਹਨ।
ਇਸ ਵਿਚਕਾਰ ਵ੍ਹਾਈਟ ਹਾਊਸ ਦੇ ਰਾਸ਼ਟਰੀ ਸੁਰੱਖਿਆ ਸੰਚਾਰ ਦੇ ਬੁਲਾਰੇ ਜੌਨ ਕਿਰਬੀ ਦਾ ਵੀ ਇੱਕ ਇੰਟਰਵਿਊ ਵਿਚ ਬਿਆਨ ਆਇਆ ਹੈ, ਜਿਸ ਵਿਚ ਉਨ੍ਹਾਂ ਕਿਹਾ ਕਿ ਸਾਡਾ ਮੰਨਣਾ ਹੈ ਕਿ ਅਸੀਂ ਗਾਜ਼ਾ ਵਿਚ ਯੁੱਧ ਵਿਰਾਮ ਦੇ ਕਰੀਬ ਪਹੁੰਚ ਗਏ ਹਾਂ।
ਹਾਲਾਂਕਿ, ਕਿਰਬੀ ਨੇ ਇਸ ਗੱਲ ਦਾ ਜਵਾਬ ਨਹੀਂ ਦਿੱਤਾ ਕਿ ਕੀ ਇਜ਼ਰਾਇਲੀ ਪੀ. ਐੱਮ. ਇਸੇ ਬਾਰੇ ਗੱਲਬਾਤ ਲਈ ਕਾਇਰੋ ਦਾ ਦੌਰਾ ਕਰ ਰਹੇ ਹਨ। ਉਥੇ ਹੀ, ਹਮਾਸ ਨੇ ਇੱਕ ਬਿਆਨ ਵਿਚ ਕਿਹਾ ਕਿ ਜੇ ਇਜ਼ਰਾਈਲ ਨਵੀਆਂ ਸ਼ਰਤਾਂ ਰੱਖਣਾ ਬੰਦ ਕਰ ਦੇਵੇ ਤਾਂ ਜੰਗਬੰਦੀ ਅਤੇ ਬੰਧਕਾਂ ’ਤੇ ਸਮਝੌਤਾ ਸੰਭਵ ਹੈ।
ਫਲਸਤੀਨੀ ਸਿੱਖਿਆ ਮੰਤਰਾਲੇ ਦਾ ਕਹਿਣਾ ਹੈ ਕਿ ਯੁੱਧ ਦੀ ਸ਼ੁਰੂਆਤ ਤੋਂ ਲੈ ਕੇ ਹੁਣ ਤੱਕ ਗਾਜ਼ਾ ਅਤੇ ਇਜ਼ਰਾਇਲ ਦੇ ਕਬਜ਼ੇ ਵਾਲੇ ਵੈਸਟ ਬੈਂਕ ਵਿਚ 12,799 ਤੋਂ ਵੱਧ ਵਿਦਿਆਰਥੀ ਮਾਰੇ ਗਏ ਹਨ ਅਤੇ ਘੱਟੋ-ਘੱਟ 20,942 ਜ਼ਖਮੀ ਹੋਏ ਹਨ।
