12.05C Vancouver 12.05C VancouverOct 11, 2023 6:10 PM - Connect News
ਇਜ਼ਰਾਈਲ-ਹਮਾਸ ਜੰਗ ਦਾ ਪੰਜਵਾਂ ਦਿਨ ਹੈ।
ਇਜ਼ਰਾਈਲੀ ਹਮਲੇ ਤੋਂ ਬਾਅਦ ਪੂਰੇ ਗਾਜ਼ਾ ਵਿੱਚ ਬਿਜਲੀ ਸਪਲਾਈ ਬੰਦ ਹੋ ਗਈ ਹੈ।
ਫਿਲਸਤੀਨ ਦੇ ਐਨਰਜ਼ੀ ਅਥਾਰਟੀ ਦੇ ਚੇਅਰਮੈਨ ਥਾਫਰ ਮੇਲਹੇਮ ਨੇ ਸਥਾਨਕ ਰੇਡੀਓ 'ਤੇ ਜਾਣਕਾਰੀ ਦਿੱਤੀ ਹੈ ਕਿ ਗਾਜ਼ਾ ਪੱਟੀ ਦੇ ਪਾਵਰ ਪਲਾਂਟ ਬੰਦ ਹੋ ਗਏ ਹਨ।
ਜਿਸ ਕਰਕੇ ਪੂਰੇ ਇਲਾਕੇ ਵਿੱਚ ਬਿਜਲੀ ਸਪਲਾਈ ਠੱਪ ਹੋ ਗਈ ਹੈ।
ਹਸਪਤਾਲਾਂ ਦੀ ਐਮਰਜੈਂਸੀ ਲਾਈਟ ਸਿਰਫ਼ 2 ਦਿਨ ਚੱਲੇਗੀ।
9 ਅਕਤੂਬਰ ਨੂੰ ਗਾਜ਼ਾ ਬਾਰਡਰ ਨੂੰ ਕਬਜ਼ੇ ਵਿੱਚ ਲੈਣ ਤੋਂ ਬਾਅਦ ਇਜ਼ਰਾਈਲ ਨੇ ਗਾਜ਼ਾ ਤੱਕ ਹੋਣ ਵਾਲੀ ਸਪਲਾਈ ਰੋਕ ਦਿੱਤੀ ਹੈ।
ਇਜ਼ਰਾਈਲ -ਹਮਾਸ ਦੀ ਜੰਗ ਵਿੱਚ ਹੁਣ ਤੱਕ 2150 ਲੋਕਾਂ ਦੀ ਮੌਤ ਹੋ ਗਈ ਹੈ।
ਇਨ੍ਹਾਂ ਵਿੱਚ ਕਰੀਬ 1200 ਇਜ਼ਰਾਈਲੀ ਸਨ।
ਫਿਲਸਤੀਨ ਵਿੱਚ 950 ਲੋਕਾਂ ਦੀ ਜਾਨ ਗਈ ਹੈ।
ਗਾਜ਼ਾ 'ਤੇ ਇਜ਼ਰਾਈਲ ਦੇ ਹਮਲੇ ਵਿੱਚ ਯੂ ਐੱਨ ਦੇ 9 ਕਰਮਚਾਰੀ ਮਾਰੇ ਗਏ ਹਨ।
ਇਜ਼ਰਾਈਲ ਦੇ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ, ਸਾਬਕਾ ਰੱਖਿਆ ਮੁਖੀ ਅਤੇ ਕੇਂਦਰੀ ਵਿਰੋਧੀ ਪਾਰਟੀ ਦੇ ਨੇਤਾ ਨੇ ਸਹਿਮਤੀ ਨਾਲ ਐਮਰਜੈਂਸੀ ਸਰਕਾਰ ਦਾ ਗਠਨ ਕੀਤਾ।
ਇਸ ਐਮਰਜੈਂਸੀ ਸਰਕਾਰ ਦਾ ਪਹਿਲਾ ਕੰਮ ਗਾਜ਼ਾ ਵਿੱਚ ਹਮਾਸ ਨਾਲ ਚੱਲ ਰਹੇ ਸੰਘਰਸ਼ ਨੂੰ ਹੱਲ ਕਰਨ 'ਤੇ ਵਿਸ਼ੇਸ਼ ਤੌਰ 'ਤੇ ਧਿਆਨ ਕੇਂਦਰਿਤ ਕਰਨਾ ਹੈ।
