20.06C Vancouver 20.06C VancouverNov 7, 2023 8:56 PM - Connect News
ਇਜ਼ਰਾਈਲ-ਹਮਾਸ ਯੁੱਧ ਦੇ ਵਿਚਕਾਰ ਅੱਜ ਕੈਨੇਡੀਅਨਜ਼ ਨੂੰ ਗਾਜ਼ਾ ਤੋਂ ਕੱਢਣਾ ਸ਼ੁਰੂ ਕਰ ਦਿੱਤਾ ਗਿਆ ਹੈ।
ਪਹਿਲਾ ਗਰੁੱਪ ਗਾਜ਼ਾ ਛੱਡ ਚੁੱਕਾ ਹੈ, ਜਿਸਦੀ ਜਾਣਕਾਰੀ ਵਿਦੇਸ਼ ਮੰਤਰੀ ਮੈਲੇਨੀ ਜੋਲੀ ਨੇ ਦਿੱਤੀ ਹੈ।
ਫੈਡਰਲ ਮੰਤਰੀ ਨੇ ਕਿਹਾ ਕਿ ਅਧਿਕਾਰੀਆਂ ਦੀ ਇੱਕ ਟੀਮ ਸਰਹੱਦ ਦੇ ਮਿਸਰ ਵਾਲੇ ਪਾਸੇ ਉਨ੍ਹਾਂ ਨੂੰ ਮਿਲੀ ਅਤੇ ਉਨ੍ਹਾਂ ਨੂੰ ਸਹਾਇਤਾ ਪ੍ਰਦਾਨ ਕੀਤੀ।
ਗੌਰਤਲਬ ਹੈ ਕਿ ਗਾਜ਼ਾ ਵਿੱਚ ਬਾਰਡਰ ਜਨਰਲ ਅਥਾਰਟੀ ਵੱਲੋਂ ਵਿਦੇਸ਼ੀ ਪਾਸਪੋਰਟ ਹੋਲਡਰਸ ਨੂੰ ਰਫਾਹ ਜ਼ਮੀਨੀ ਸਰਹੱਦ ਰਾਹੀਂ ਮਿਸਰ ਵਿੱਚ ਜਾਣ ਦੀ ਇਜਾਜ਼ਤ ਦਿੱਤੀ ਜਾ ਰਹੀ ਹੈ।
ਗਾਜ਼ਾ ਤੋਂ ਮਿਸਰ ਜਾਣ ਲਈ ਰਫਾਹ ਕਰਾਸਿੰਗ ਇੱਕੋ-ਇੱਕ ਐਗਜ਼ਿਟ ਪੁਆਇੰਟ ਹੈ।
ਇਹ ਕਰਾਸਿੰਗ ਵੀਕੈਂਡ 'ਤੇ ਬੰਦ ਰੱਖੀ ਗਈ ਸੀ, ਜੋ ਸੋਮਵਾਰ ਨੂੰ ਉਨ੍ਹਾਂ ਵਿਦੇਸ਼ੀ ਨਾਗਰਿਕ ਲਈ ਮੁੜ ਖੋਲ੍ਹੀ ਗਈ ਜਿਨ੍ਹਾਂ ਦੇ ਨਾਮ ਪਹਿਲਾਂ ਤੋਂ ਮਨਜ਼ੂਰਸ਼ੁਦਾ ਸੂਚੀ ਵਿੱਚ ਸਨ।
ਨਵੀਂ ਲਿਸਟ ਵਿੱਚ ਕੈਨੇਡੀਅਨਜ਼ ਦੇ ਨਾਮ ਵੀ ਸ਼ਾਮਲ ਕੀਤੇ ਗਏ, ਹਾਲਾਂਕਿ ਕੈਨੇਡੀਅਨਜ਼ ਦੀ ਗਿਣਤੀ ਬਾਰੇ ਪੂਰੀ ਜਾਣਕਾਰੀ ਨਹੀਂ ਮਿਲ ਸਕੀ ਪਰ ਗਲੋਬਲ ਅਫੇਅਰਜ਼ ਕੈਨੇਡਾ ਨੇ ਸੋਮਵਾਰ ਕਿਹਾ ਸੀ ਕਿ ਆਉਣ ਵਾਲੇ ਦਿਨਾਂ ਵਿੱਚ 400 ਤੋਂ ਵੱਧ ਕੈਨੇਡੀਅਨ ਬਾਰਡਰ ਪਾਰ ਕਰ ਸਕਣਗੇ।
