10.81C Vancouver 10.81C VancouverMay 14, 2021 7:36 PM -
ਪੈਲਿਸਤੀਨੀ ਪਰਿਵਾਰਾਂ ਵੱਲੋਂ ਆਪੇ ਬੱਚਿਆਂ ਨੂੰ ਚੁੱਕ, ਅਤੇ ਕੁਝ ਜ਼ਰੂਰੀ ਸਾਮਾਨ ਇਕੱਠਾ ਕਰ ਗਾਜ਼ਾ ਸਿਟੀ ਦੇ ਬਾਹਰਲੇ ਹਿੱਸਿਆਂ ਤੋਂ ਇਲਾਕੇ ਖਾਲੀ ਕਰਨ ਦੀਆਂ ਖਬਰਾਂ ਹਨ।
ਇਹ ਖਬਰਾਂ ਉਸ ਵੇਲੇ ਉਜਾਗਰ ਹੋਈਆਂ ਜਦ ਇਜ਼ਰਾਈਲ ਨੇ ਵੱਡੀ ਗਿਣਤੀ 'ਚ ਹਵਾਈ ਹਮਲੇ ਕੀਤੇ ਹਨ।
ਇਸ ਦੌਰਾਨ ਇੱਕ ਘਰ 'ਚ 6 ਲੋਕਾਂ ਦੇ ਪਰਿਵਾਰ ਦੇ ਮਾਰੇ ਜਾਣ ਦੀਆਂ ਖਬਰਾਂ ਹਨ।
ਇਜ਼ਰਾਈਲ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਕੁਝ ਅੱਤਵਾਦੀ ਗੁਫਾਵਾਂ ਨੂੰ ਤਹਿਸ-ਨਹਿਸ ਕਰਨ ਦੇ ਇਰਾਦੇ ਨਾਲ ਇਹ ਹਮਲੇ ਕੀਤੇ ਹਨ।
ਇਜ਼ਰਾਈਲ ਦਾ ਕਹਿਣਾ ਹੈ ਕਿ ਉਨ੍ਹਾਂ ਕੋਲ ਕਿਸੇ ਪ੍ਰਕਾਰ ਦੇ ਹਮਲੇ ਦੀ ਗੁਪਤ ਸੂਚਨਾ ਸੀ।
ਇਜ਼ਰਾਈਲ ਵੱਲੋਂ ਜਾਣਕਾਰੀ ਦਿੱਤੀ ਗਈ ਹੈ ਕਿ ਗਾਜ਼ਾ ਸਿਟੀ 'ਚ ਹਮਾਸ ਨਾਲ ਸੰਬੰਧਤ ਇੱਕ ਬੈਂਕ ਨੂੰ ਢਹਿ-ਢੇਰੀ ਕਰ ਦਿੱਤਾ ਗਿਆ ਹੈ।
ਇਜ਼ਰਾਈਲ ਵੱਲੋਂ ਹਵਾਈ ਹਮਲਿਆਂ 'ਚ ਤਬਾਹ ਕੀਤਾ ਗਿਆ ਇਹ ਤੀਜਾ ਹਮਾਸ ਬੈਂਕ ਦੱਸਿਆ ਗਿਆ ਹੈ।
ਇਜ਼ਰਾਇਲੀ ਮਿਲਟਰੀ ਨੇ ਅੱਜ ਦੱਸਿਆ ਹੈ ਕਿ ਉਨ੍ਹਾਂ ਹਮਾਸ ਦੇ ਇੱਕ ਹਥਿਆਰ ਬਣਾਉਣ ਵਾਲੇ ਟਿਕਾਣੇ ਅਤੇ ਨੇਵਲ ਸਾਈਟਸ ਨੂੰ ਵੀ ਤਹਿਸ-ਨਹਿਸ ਕਰ ਦਿੱਤਾ ਹੈ।
ਹਾਲਾਂਕਿ ਹਮਾਸ ਵੱਲੋਂ ਵੀ ਇੱਕ ਵੀਡੀਓ ਜਾਰੀ ਕੀਤਾ ਗਿਆ ਹੈ ਜਿਸ ਦੌਰਾਨ ਗਰੁੱਪ ਵੱਲੋਂ ਇਜ਼ਰਾਈਲ 'ਤੇ ਇੱਕ ਡਰੋਨ ਹਮਲੇ ਦੀ ਜਾਣਕਾਰੀ ਦਿੱਤੀ ਗਈ ਹੈ ਅਤੇ ਇਜ਼ਰਾਈਲ ਦੇ ਇੱਕ ਕੈਮਿਕਲ ਪਲਾਂਟ ਨੂੰ ਨਿਸ਼ਾਨਾ ਬਣਾਉਣ ਬਾਰੇ ਦੱਸਿਆ ਗਿਆ ਹੈ।
ਇਸ 'ਤੇ ਇਜ਼ਰਾਈਲ ਨੇ ਕੋਈ ਟਿੱਪਣੀ ਨਹੀਂ ਕੀਤੀ ਹੈ।
