16.05C Vancouver 16.05C VancouverMay 14, 2025 4:15 PM - The Canadian Press
ਇਜ਼ਰਾਈਲੀ ਦੇ ਤਾਜ਼ਾ ਹਵਾਈ ਹਮਲਿਆਂ ਵਿਚ ਗਾਜ਼ਾ ਵਿਚ ਘੱਟੋ-ਘੱਟ 50 ਫਲਸਤੀਨੀ ਮਾਰੇ ਗਏ ਹਨ। ਰਿਪੋਰਟਸ ਮੁਤਾਬਕ, ਮਰਨ ਵਾਲਿਆਂ ਵਿਚ 22 ਬੱਚੇ ਅਤੇ 15 ਔਰਤਾਂ ਸ਼ਾਮਲ ਸਨ।
ਇਜ਼ਰਾਈਲੀ ਫੌਜ ਨੇ ਕਿਹਾ ਕਿ ਉਹ ਰਿਪੋਰਟਾਂ ਦੀ ਜਾਂਚ ਕਰ ਰਹੀ ਹੈ ਪਰ ਫੌਜ ਦਾ ਕਹਿਣਾ ਹੈ ਕਿ ਉਸ ਨੇ ਮੰਗਲਵਾਰ ਨੂੰ ਜਬਾਲੀਆ ਟਾਊਨ ਅਤੇ ਆਸਪਾਸ ਦੇ ਇਲਾਕਿਆਂ ਦੇ ਨਿਵਾਸੀਆਂ ਨੂੰ ਚਿਤਾਵਨੀ ਦਿੱਤੀ ਸੀ ਕਿ ਉਹ ਇਲਾਕਾ ਖਾਲੀ ਕਰ ਦੇਣ ਕਿਉਂਕਿ ਉਸ ਇਲਾਕੇ ਵਿਚ ਇਜ਼ਰਾਇਲ ਵੱਲ ਰੌਕੇਟ ਦਾਗੇ ਗਏ ਸਨ।
ਉਥੇ ਹੀ, ਸੰਯੁਕਤ ਰਾਸ਼ਟਰ ਦੀ 12 ਦੀ ਰਿਪੋਰਟ ਮੁਤਾਬਕ, ਗਾਜ਼ਾ ਵਿਚ ਪਿਛਲੇ 19 ਮਹੀਨਿਆਂ ਤੋਂ ਚੱਲ ਰਹੀ ਜੰਗ ਕਾਰਨ 5 ਲੱਖ ਲੋਕਾਂ 'ਤੇ ਭੁੱਖਮਰੀ ਦਾ ਸੰਕਟ ਪੈਦਾ ਹੋ ਗਿਆ ਹੈ। ਰਿਪੋਰਟ ਮੁਤਾਬਕ, ਜੇ ਇਜ਼ਰਾਇਲ ਪਾਬੰਦੀਆਂ ਨਹੀਂ ਹਟਾਉਂਦਾ ਹੈ ਤਾਂ ਗਾਜ਼ਾ ਵਿਚ ਹਰ ਪੰਜ ਵਿਚੋਂ ਇੱਕ ਭੁੱਖਮਰੀ ਦੀ ਲਪੇਟ ਵਿਚ ਆ ਸਕਦਾ ਹੈ, ਨਾਲ ਹੀ 21 ਲੱਖ ਲੋਕਾਂ ਨੂੰ ਅਕਾਲ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
