9.53C Vancouver 9.53C VancouverNov 15, 2023 6:40 PM - The Canadian Press
ਇਜ਼ਰਾਈਲੀ ਫੌਜ ਗਾਜ਼ਾ ਦੇ ਸਭ ਤੋਂ ਵੱਡੇ ਹਸਪਤਾਲ ਵਿੱਚ ਦਾਖਲ ਹੋ ਗਈ ਹੈ, ਜਿਸ ਬਾਰੇ ਫੌਜ ਦਾ ਕਹਿਣਾ ਹੈ ਕਿ ਇਹ ਉਨ੍ਹਾਂ ਦਾ ਹਮਾਸ ਦੇ ਟਿਕਾਣਿਆਂ ਅਤੇ ਹਥਿਆਰਾਂ ਨੂੰ ਨਸ਼ਟ ਕਰਨ ਲਈ ਟਾਰਗੇਟਿਡ ਆਪ੍ਰੇਸ਼ਨ ਹੈ।
ਇਜ਼ਰਾਈਲ ਮੁਤਾਬਕ ਹਮਾਸ ਹਸਪਤਾਲ ਦੇ ਹੇਠਾਂ ਸੁਰੰਗਾਂ ਵਿੱਚ ਕਮਾਂਡ ਸੈਂਟਰ ਚਲਾ ਰਿਹਾ ਹੈ,ਅਮਰੀਕਾ ਨੇ ਵੀ ਖੁਫੀਆ ਜਾਣਕਾਰੀ ਦਾ ਹਵਾਲਾ ਦਿੰਦੇ ਹੋਏ ਇਸ ਦੀ ਸਪੋਰਟ ਕੀਤੀ ਹੈ।
ਉਥੇ ਹੀ ਬੁੱਧਵਾਰ ਲਈ ਰਫਾਹ ਬਾਰਡਰ ਕਰਾਸਿੰਗ ਜ਼ਰੀਏ ਨਿਕਲਣ ਵਾਲੇ ਲੋਕਾਂ ਵਿੱਚ ਕਿਸੇ ਵੀ ਕੈਨੇਡੀਅਨ ਦਾ ਨਾਮ ਸ਼ਾਮਲ ਨਹੀਂ ਹੈ।
ਮੰਗਲਵਾਰ ਵੀ ਕੈਨੇਡਾ ਨਾਲ ਸਬੰਧਤ ਕੋਈ ਵਿਅਕਤੀ ਬਾਰਡਰ ਪਾਰ ਨਹੀਂ ਕਰ ਸਕਿਆ ਸੀ।
ਸੋਮਵਾਰ ਕੈਨੇਡਾ ਨਾਲ ਸਬੰਧਤ ਸਿਰਫ 10 ਲੋਕ ਹੀ ਮਿਸਰ ਪਹੁੰਚ ਸਕੇ ਸਨ, ਜਿਸ ਸਮੇਤ ਹੁਣ ਤੱਕ ਕੁੱਲ 356 ਕੈਨੇਡੀਅਨਜ਼ ਅਤੇ ਉਨ੍ਹਾਂ ਦੇ ਸਖੇ-ਸਬੰਧੀ ਗਾਜ਼ਾ ਛੱਡਣ ਵਿੱਚ ਕਾਮਯਾਬ ਹੋਏ ਹਨ।
ਗਲੋਬਲ ਅਫੇਅਰਜ਼ ਕੈਨੇਡਾ ਮੁਤਾਬਕ, 390 ਲੋਕ ਅਜੇ ਵੀ ਗਾਜ਼ਾ ਵਿੱਚ ਹਨ ਜਿਨ੍ਹਾਂ ਨਾਲ ਸਰਕਾਰ ਲਗਾਤਾਰ ਸੰਪਰਕ ਵਿੱਚ ਹੈ।
