17.98C Vancouver 17.98C VancouverMay 12, 2021 5:37 PM -
ਇਜ਼ਰਾਈਲ ਦੇ ਫਾਈਟਰ ਜੈਟਸ ਵੱਲੋਂ ਗਾਜ਼ਾ ਸਿਟੀ ਦੀ ਇੱਕ 14 ਮੰਜਿਲਾ ਇਮਾਰਤ ਨੂੰ ਬੰਬ ਹਮਲਿਆਂ 'ਚ ਡੇਗ ਦਿੱਤਾ ਗਿਆ ਹੈ।
ਇਸ ਇਮਾਰਤ 'ਚ ਵਪਾਰਿਕ ਥਾਵਾਂ ਦੀ ਸਨ ਅਤੇ ਹਮਾਸ ਦੇ ਦਫ਼ਤਰ ਵੀ ਸਨ, ਜਦਕਿ ਇਸ 'ਚ ਅਲ-ਅਕਸਾ ਸੈਟੇਲਾਈਟ ਟੀ.ਵੀ. ਚੈਨਲ ਵੀ ਸੀ।
ਹਮਾਸ ਦਾ ਕਹਿਣਾ ਹੈ ਕਿ ਇਸ ਦੇ ਜਵਾਬ 'ਚ ਇਜ਼ਰਾਈਲ 'ਤੇ 130 ਰਾਕਟ ਦਾਗੇ ਗਏ ਹਨ।
ਇਜ਼ਰਾਇਲੀ ਟੀ.ਵੀ. ਚੈਨਲਾਂ 'ਤੇ ਕੁਝ ਤਸਵੀਰਾਂ ਅਤੇ ਵੀਡੀਓ ਬ੍ਰੌਡਕਸਟ ਕੀਤੇ ਗਏ ਹਨ ਜਿਸ ਦੌਰਾਨ ਸੈਂਟਰਲ ਗਾਜ਼ਾ ਸਿਟੀ 'ਚ ਇੱਕ ਹਾਈ-ਰਾਈਜ਼ ਇਮਾਰਤ ਨੂੰ ਡਿਗਦੇ ਵੇਖਿਆ ਜਾ ਸਕਦਾ ਹੈ। ਅਜਿਹਾ ਉਸ ਵੇਲੇ ਹੋਇਆ ਜਦ ਇਸ 'ਤੇ ਟਾਰਗੈਟਿਡ ਏਅਰ-ਸਟ੍ਰਾਈਕ ਕੀਤੇ ਗਏ ਸਨ।
ਹਮਾਸ ਅਤੇ ਇਜ਼ਰਾਈਲ ਵਿਚਾਲੇ ਜਾਰੀ ਤਣਾਅ ਦੌਰਾਨ ਇਹ ਤਸਵੀਰਾਂ ਉਜਾਗਰ ਹੋਣ ਤੋਂ ਬਾਅਦ ਕੁਝ ਕਮੈਂਟੇਟਰ ਅਨੁਮਾਨ ਲਗਾ ਰਹੇ ਸਨ ਕਿ ਗਾਜ਼ਾ ਦੇ ਅੱਤਵਾਦੀ ਹੁਣ ਇਸ ਦੇ ਜਵਾਬ 'ਚ ਵੱਡੇ ਪੱਧਰ 'ਤੇ ਰਾਕਟ ਹਮਲੇ ਕਰ ਸਕਦੇ ਹਨ।
ਇਸ ਤੋਂ ਇਲਾਵਾ ਕਈ ਜਿਉਇਸ਼-ਇਜ਼ਰਾਇਲੀ ਅਬਾਦੀ ਵਾਲੇ ਸ਼ਹਿਰਾਂ 'ਚ ਹਿੰਸਕ ਘਟਨਾਵਾਂ ਵਾਪਰ ਰਹੀਆਂ ਹਨ।
ਇਸ ਦੌਰਾਨ ਇੱਕ ਜਿਉਇਸ਼ ਰੈਸਟੂਰੈਂਟ ਨੂੰ ਅੱਗ ਦੇ ਹਵਾਲੇ ਕਰ ਦਿੱਤਾ ਗਿਆ ਅਤੇ ਇੱਕ ਸਾਈਨਗੌਜ ਨੂੰ ਨਿਸ਼ਾਨਾ ਬਣਾਇਆ ਗਿਆ।
ਇੱਕ ਅਰਬ ਆਦਮੀ ਨੂੰ ਗੋਲੀ ਮਾਰ ਦਿੱਤੀ ਗਈ ਅਤੇ ਕਈ ਅਰਬ ਗੱਡੀਆਂ ਨੂੰ ਨਿਸ਼ਾਨਾ ਬਣਾਇਆ ਗਿਆ।
