ਇਜ਼ਰਾਇਲ ਦੇ ਪ੍ਰਧਾਨ ਮੰਤਰੀ ਨੇਤਨਯਾਹੂ ਨੇ ਯੁੱਧ ਤੋਂ ਬਾਅਦ ਗਾਜ਼ਾ ਲਈ ਆਪਣੀ ਨਵੀਂ ਯੋਜਨਾ ਕੀਤੀ ਪੇਸ਼

ਇਜ਼ਰਾਇਲ ਦੇ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਨੇ ਹਮਾਸ ਨਾਲ ਜਾਰੀ ਜੰਗ ਖ਼ਤਮ ਹੋਣ ਤੋਂ ਬਾਅਦ ਗਾਜ਼ਾ ’ਤੇ ਪ੍ਰਸ਼ਾਸਨਿਕ ਕੰਟਰੋਲ ਦੀ ਯੋਜਨਾ ਪੇਸ਼ ਕੀਤੀ ਹੈ। ਇਸ ਯੋਜਨਾ ਅਨੁਸਾਰ ਇਜ਼ਰਾਇਲ ਗਾਜ਼ਾ ਪੱਟੀ ਦੀ ਸੁਰੱਖਿਆ ਨੂੰ ਅਣਮਿੱਥੇ ਸਮੇਂ ਲਈ ਆਪਣੇ ਹੱਥਾਂ ਵਿਚ ਰੱਖੇਗਾ।

ਇਹ ਪਲੈਨ ਇਜ਼ਰਾਇਲ ਦੇ ਸਾਥੀ ਅਮਰੀਕਾ ਦੇ ਬਿਲਕੁਲ ਉਲਟ ਹੈ, ਅਮਰੀਕਾ ਚਾਹੁੰਦਾ ਹੈ ਕਿ ਵੈਸਟ ਬੈਂਕ ਦਾ ਪ੍ਰਸ਼ਾਸਨ ਦੇਖਣ ਵਾਲੀ ਫਲਸਤੀਨੀ ਅਥਾਰਿਟੀ ਨੂੰ ਹੀ ਗਾਜ਼ਾ ਦੇ ਪ੍ਰਸ਼ਾਸਨ ਦੀ ਜ਼ਿੰਮੇਵਾਰੀ ਦਿੱਤੀ ਜਾਵੇ ਪਰ ਨੇਤਨਯਾਹੂ ਵਲੋਂ ਪੇਸ਼ ਕੀਤੀ ਗਈ ਯੋਜਨਾ ਵਿਚ ਇਸ ਦਾ ਕੋਈ ਜ਼ਿਕਰ ਨਹੀਂ ਹੈ।

ਨੇਤਨਯਾਹੂ ਦੇ ਪੈਲਨ ਤਹਿਤ ਇਜ਼ਰਾਈਲ ਸਾਰੇ ਫਲਸਤੀਨੀ ਖੇਤਰਾਂ ’ਤੇ ਸੁਰੱਖਿਆ ਕੰਟਰੋਲ ਰੱਖੇਗਾ।

ਇਜ਼ਰਾਇਲੀ ਪ੍ਰਧਾਨ ਮੰਤਰੀ ਨੇ ਇੰਟਰਨੈਸ਼ਨਲ ਪੱਧਰ ’ਤੇ ਦੋ ਮੁਲਕੀ ਹੱਲ ਦੀ ਉੱਠ ਰਹੀ ਮੰਗ ਵਿਚਕਾਰ ਪਹਿਲੀ ਵਾਰ ਯੁੱਧ ਤੋਂ ਬਾਅਦ ਦਾ ਇੱਕ ਰਸਮੀ ਨਜ਼ਰ ਪੇਸ਼ ਕੀਤਾ ਹੈ। ਇਜ਼ਰਾਇਲ ਦਾ ਇਹ ਪਲੈਨ ਅਮਰੀਕਾ ਨਾਲ ਉਸ ਦੀ ਤਲਖੀ ਵਧਾ ਸਕਦਾ ਹੈ।