15.5C Vancouver 15.5C VancouverFeb 8, 2024 4:35 PM - The Associated Press
ਇਜ਼ਰਾਇਲ ਦੇ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਵਲੋਂ ਯੁੱਧ ਨੂੰ ਖਤਮ ਕਰਨ ਦੇ ਪ੍ਰਸਤਾਵ ਨੂੰ ਰੱਦ ਕਰਨ ਤੋਂ ਇੱਕ ਦਿਨ ਬਾਅਦ ਵੀਰਵਾਰ ਨੂੰ ਇਜ਼ਰਾਇਲੀ ਫੌਜ ਨੇ ਦੱਖਣੀ ਗਾਜ਼ਾ ਦੀ ਸਿਟੀ ਰਫ਼ਾਹ ਵਿਚ ਬੰਬਾਰੀ ਕੀਤੀ ਹੈ, ਜਿੱਥੇ ਗਾਜ਼ਾ ਦੀ ਅੱਧੀ ਤੋਂ ਵੱਧ ਆਬਾਦੀ ਨੇ ਘਰ ਛੱਡ ਕੇ ਪਨਾਹ ਲਈ ਹੋਈ ਹੈ।
ਇੱਥੇ ਬਹੁਤ ਸਾਰੇ ਲੋਕ ਟੈਂਟ ਵਿਚ ਹਨ ਅਤੇ ਭੋਜਨ ਅਤੇ ਦਵਾਈਆਂ ਦੀ ਘਾਟ ਦਾ ਸਾਹਮਣਾ ਕਰ ਰਹੇ ਹਨ। ਖਬਰਾਂ ਦਾ ਕਹਿਣਾ ਹੈ ਕਿ ਇਜ਼ਰਾਈਲੀ ਜਹਾਜ਼ਾਂ ਨੇ ਵੀਰਵਾਰ ਸਵੇਰੇ ਰਫ਼ਾਹ ਦੇ ਖੇਤਰਾਂ ’ਤੇ ਬੰਬਾਰੀ ਕੀਤੀ ਅਤੇ ਦੋ ਘਰਾਂ ’ਤੇ ਹਮਲਿਆਂ ਵਿਚ ਘੱਟੋ-ਘੱਟ 11 ਲੋਕਾਂ ਦੀ ਮੌਤ ਹੋ ਗਈ।
ਇਸ ਤੋਂ ਇਲਾਕੇ ਵਿਚ ਟੈਂਕ ਵੀ ਪਹੁੰਚੇ ਹਨ, ਜਿਸ ਨਾਲ ਲੋਕਾਂ ਨੂੰ ਕਿਸੇ ਆਉਣ ਵਾਲੇ ਜ਼ਮੀਨੀ ਹਮਲੇ ਦਾ ਡਰ ਸਤਾ ਰਿਹਾ ਹੈ।
ਗੌਰਤਲਬ ਹੈ ਕਿ ਨੇਤਨਯਾਹੂ ਨੇ ਬੁੱਧਵਾਰ ਨੂੰ ਹਮਾਸ ਵਲੋਂ ਜੰਗਬੰਦੀ ਲਈ ਪ੍ਰਸਤਾਵਿਤ ਸ਼ਰਤਾਂ ਨੂੰ ਮੰਨਣ ਤੋਂ ਇਨਕਾਰ ਕਰ ਦਿੱਤਾ ਸੀ ਅਤੇ ਕਿਹਾ ਕਿ ਫੌਜ ਹੁਣ ਜਿੱਤ ਤੋਂ ਸਿਰਫ ਕੁਝ ਮਹੀਨੇ ਦੂਰ ਹੈ।
