18.42C Vancouver 18.42C VancouverJun 21, 2024 6:39 PM - The Associated Press
ਇਜ਼ਰਾਈਲੀ ਫੌਜ ਨੇ ਸ਼ੁੱਕਰਵਾਰ ਨੂੰ ਰਫਾਹ ਦੇ ਉੱਤਰੀ ਇਲਾਕੇ ਵਿਚ ਬੇਘਰ ਫਲਸਤੀਨੀਆਂ ਦੇ ਕੈਂਪਾਂ ’ਤੇ ਹਮਲਾ ਕੀਤਾ, ਜਿਸ ਵਿਚ ਘੱਟੋ-ਘੱਟ 25 ਲੋਕਾਂ ਦੀ ਮੌਤ ਹੋ ਗਈ ਅਤੇ ਹੋਰ 50 ਜ਼ਖਮੀ ਹੋ ਗਏ।
ਗਾਜ਼ਾ ਦੇ ਸਿਹਤ ਮੰਤਰਾਲੇ ਅਤੇ ਸੰਕਟਕਾਲੀਨ ਕਰਮਚਾਰੀ ਨੇ ਤਾਜ਼ਾ ਘਟਨਾ ਦੀ ਜਾਣਕਾਰੀ ਦਿੱਤੀ। ਰਫਾਹ ਉਹ ਇਲਾਕਾ ਹੈ ਜਿੱਥੇ ਲੱਖਾਂ ਫਲਸਤੀਨੀਆਂ ਨੇ ਇਜ਼ਰਾਇਲ ਅਤੇ ਹਮਾਸ ਵਿਚਕਾਰ ਜੰਗ ਤੋਂ ਬਚਣ ਲਈ ਪਨਾਹ ਲਈ ਹੈ।
ਅਮਰੀਕਾ ਅਤੇ ਸੰਯੁਕਤ ਰਾਸ਼ਟਰ ਦੀਆਂ ਚਿਤਾਵਨੀਆਂ ਦੇ ਬਾਵਜੂਦ ਇਜ਼ਰਾਇਲ ਰਫਾਹ ਵਿਚ ਆਪਣੀ ਫੌਜੀ ਕਾਰਵਾਈ ਨੂੰ ਅੱਗੇ ਵਧਾ ਰਿਹਾ ਹੈ।
ਇਥੇ ਇੱਕ ਮਿਲੀਅਨ ਤੋਂ ਵੱਧ ਫਲਸਤੀਨੀਆਂ ਨੇ ਸ਼ਰਨ ਲਈ ਸੀ, ਜਿੱਥੋਂ ਹੁਣ ਜ਼ਿਆਦਾਤਰ ਲੋਕ ਫਿਰ ਤੋਂ ਹੋਰ ਜਗ੍ਹਾ ਮੂਵ ਕਰਨ ਲਈ ਮਜਬੂਰ ਹੋਏ ਹਨ ਪਰ ਸੰਯੁਕਤ ਰਾਸ਼ਟਰ ਦਾ ਕਹਿਣਾ ਹੈ ਕਿ ਗਾਜ਼ਾ ਵਿਚ ਕੋਈ ਵੀ ਜਗ੍ਹਾ ਸੁਰੱਖਿਅਤ ਨਹੀਂ ਹੈ ਅਤੇ ਮਨੁੱਖੀ ਸੰਕਟ ਗੰਭੀਰ ਹੈ ਕਿਉਂਕਿ ਪਰਿਵਾਰ ਭੁੱਖਮਰ ਦਾ ਸਾਹਮਣਾ ਕਰ ਰਹੇ ਹਨ ਅਤੇ ਸਾਫ ਪਾਣੀ ਤੇ ਮੈਡੀਕਲ ਸਪਲਾਈ ਤੋਂ ਬਿਨਾਂ ਟੈਂਟਾਂ ਵਿਚ ਰਹਿ ਰਹੇ ਹਨ।
