ਕੈਲਗਰੀ ਵਿਚ ਆਉਣ ਵਾਲੇ ਦਿਨਾਂ ਵਿਚ ਪਵੇਗਾ ਮੀਂਹ

ਇਨਵਾਇਰਮੈਂਟ ਕੈਨੇਡਾ ਮੁਤਾਬਕ ਕੈਲਗਰੀ ਵਿਚ ਆਉਣ ਵਾਲੇ ਦਿਨਾਂ ਵਿਚ ਮੀਂਹ ਪੈਣ ਦੇ ਆਸਾਰ ਹਨ। ਇਸ ਦੇ ਨਾਲ ਹੀ ਦਿਨ ਸਮੇਂ ਤਾਪਮਾਨ ਉੱਚ ਅਤੇ ਰਾਤ ਸਮੇਂ ਘੱਟ ਰਹਿਣ ਦੀ ਉਮੀਦ ਹੈ।

ਸਿਟੀ ਵਿਚ ਅੱਜ ਧੁੱਪ ਰਹੇਗੀ ਅਤੇ ਦਿਨ ਸਮੇਂ ਤਾਪਮਾਨ 10 ਡਿਗਰੀ ਸੈਲਸੀਅਸ ਅਤੇ ਰਾਤ ਸਮੇਂ 2 ਡਿਗਰੀ ਸੈਲਸੀਅਸ ਰਹਿ ਸਕਦਾ ਹੈ। ਸ਼ੁੱਕਰਵਾਰ ਨੂੰ ਬੱਦਲਵਾਈ ਰਹੇਗੀ ਅਤੇ ਤਾਪਮਾਨ ਦਿਨ ਸਮੇਂ 9 ਡਿਗਰੀ ਸੈਲਸੀਅਸ ਰਹੇਗਾ।

ਸ਼ਨੀਵਾਰ 1 ਤੋਂ 3 ਐੱਮ.ਐੱਮ. ਦਾ ਮੀਂਹ ਪੈਣ ਅਤੇ 1 ਤੋਂ 2 ਸੈਂਟੀਮੀਟਰ ਦੀ ਬਰਫਬਾਰੀ ਹੋਣ ਦੀ ਉਮੀਦ ਹੈ। ਸ਼ਨੀਵਾਰ ਦਿਨ ਸਮੇਂ ਤਾਪਮਾਨ 4 ਡਿਗਰੀ ਸੈਲਸੀਅਸ ਅਤੇ ਰਾਤ ਸਮੇਂ ਮਾਈਨਸ 6 ਡਿਗਰੀ ਸੈਲਸੀਅਸ ਰਹੇਗਾ।

ਇਸੇ ਤਰ੍ਹਾਂ ਐਤਵਾਰ ਨੂੰ ਵੀ ਠੰਡ ਵਧਣ ਵਾਲੀ ਹੈ। ਐਤਵਾਰ 2 ਤੋਂ 4 ਸੈਂਟੀ ਮੀਟਰ ਦੀ ਬਰਫਬਾਰੀ ਹੋਣ ਦੀ ਉਮੀਦ ਹੈ। ਦਿਨ ਸਮੇਂ ਤਾਪਮਾਨ ਮਾਈਨਸ 3 ਡਿਗਰੀ ਸੈਲਸੀਅਸ ਅਤੇ ਰਾਤ ਸਮੇਂ -7 ਡਿਗਰੀ ਸੈਲਸੀਅਸ ਰਹਿ ਸਕਦਾ ਹੈ।

ਗੌਰਤਲਬ ਹੈ ਕਿ ਕੈਲਗਰੀ ਵਿਚ ਜਨਵਰੀ ਮਹੀਨੇ ਰਿਕਾਰਡ ਤੋੜਨ ਵਾਲੀ ਠੰਡ ਪਈ ਅਤੇ ਕੁਝ ਦਿਨ ਬੀਤੇ ਸਾਲਾਂ ਨਾਲੋਂ ਵੱਧ ਤਾਪਮਾਨ ਦਰਜ ਹੋਇਆ।