17.57C Vancouver 17.57C VancouverMar 1, 2024 8:20 PM - The Connect News
ਇਟਲੀ ਦੀ ਪ੍ਰਧਾਨ ਮੰਤਰੀ ਜਾਰਜੀਆ ਮੇਲੋਨੀ ਇਸ ਵੀਕੈਂਡ ’ਤੇ ਕੈਨੇਡਾ ਆ ਰਹੇ ਹਨ। ਉਹ ਇਸ ਸ਼ਨੀਵਾਰ ਨੂੰ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨਾਲ ਮੁਲਾਕਾਤ ਲਈ ਟੋਰਾਂਟੋ ਵਿਚ ਹੋਣਗੇ।
2022 ਵਿਚ ਇਟਲੀ ਦੀ ਪ੍ਰਧਾਨ ਮੰਤਰੀ ਵਜੋਂ ਚੁਣੇ ਜਾਣ ਤੋਂ ਬਾਅਦ ਮੇਲੋਨੀ ਦਾ ਇਹ ਪਹਿਲਾ ਕੈਨੇਡਾ ਦੌਰਾ ਹੋਵੇਗਾ। ਪਿਛਲੀ ਵਾਰ ਟਰੂਡੋ ਅਤੇ ਮੇਲੋਨੀ ਦੀ ਮੁਲਾਕਾਤ ਜਾਪਾਨ ਵਿਚ ਜੀ-7 ਮੀਟਿੰਗ ਦੌਰਾਨ ਹੋਈ ਸੀ ਪਰ ਇਸ ਦੌਰਾਨ ਦੋਹਾਂ ਲੀਡਰਸ ਵਿਚਕਾਰ ਟਰੂਡੋ ਦੀ ਇੱਕ ਟਿੱਪਣੀ ਨਾਲ ਮਾਹੌਲ ਗਰਮਾ ਗਿਆ ਸੀ।
ਟਰੂਡੋ ਨੇ ਖਬਰਾਂ ਦਾ ਹਵਾਲਾ ਦਿੰਦੇ ਹੋਏ ਮੇਲੋਨੀ ਨੂੰ ਅਚਾਨਕ ਪੱਤਰਕਾਰਾਂ ਸਾਹਮਣੇ ਕਿਹਾ ਸੀ ਕਿ ਕੈਨੇਡਾ ਐੱਲ.ਜੀ.ਬੀ.ਟੀ. ਅਧਿਕਾਰਾਂ ਦੇ ਮਾਮਲੇ ਵਿਚ ਇਟਲੀ ਵਲੋਂ ਚੁੱਕੇ ਜਾ ਰਹੇ ਕੁਝ ਕਦਮਾਂ ਬਾਰੇ ਚਿੰਤਤ ਹੈ।
ਪੀ. ਐੱਮ. ਟਰੂਡੋ ਦੀ ਟਿੱਪਣੀ ਨਾਲ ਮੇਲੋਨੀ ਕਾਫ਼ੀ ਨਜ਼ਰ ਆਈ, ਮੀਟਿੰਗ ਤੋਂ ਬਾਅਦ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਮੇਲੋਨੀ ਨੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ’ਤੇ ਫਰਜ਼ੀ ਖ਼ਬਰਾਂ ਦਾ ਸ਼ਿਕਾਰ ਹੋਣ ਦਾ ਦੋਸ਼ ਲਗਾਇਆ ਸੀ।
