12.06C Vancouver 12.06C VancouverMay 3, 2021 9:19 PM -
ਕੈਨੇਡਾ 'ਚ ਨੈਸ਼ਨਲ ਐਡਵਾਈਜ਼ਰੀ ਕਮੇਟੀ ਔਨ ਇਮਿਊਨਾਈਜ਼ੇਸ਼ਨ ਦਾ ਕਹਿਣਾ ਹੈ ਕਿ ਜੌਨਸਨ ਐਂਡ ਜੌਨਸਨ ਵੈਕਸੀਨ ਦੀ ਵਰਤੋਂ ਨੂੰ 30 ਸਾਲ ਤੋਂ ਵਧੇਰੀ ਉਮਰ ਦੇ ਲੋਕਾਂ ਤੱਕ ਸੀਮਤ ਕਰਨ ਦੀ ਲੋੜ ਹੈ।
ਇਸ ਦੀ ਵਰਤੋਂ ਉਨ੍ਹਾਂ ਲੋਕਾਂ ਦੇ ਲਈ ਕੀਤੀ ਜਾਵੇਗੀ ਜੋ ਕਿ ਫਾਈਜ਼ਰ-ਬਾਇਓਐਨਟੈਕ ਅਤੇ ਮੌਡਰਨਾ ਵੈਕਸੀਨ ਦੇ ਲਈ ਆਪਣੀ ਵਾਰੀ ਦੀ ਉਡੀਕ ਨਹੀਂ ਕਰਨੀ ਚਾਹੁੰਦੇ।
ਇਸ ਸਲਾਹ ਨੂੰ ਬਿਲਕੁਲ ਉਸੇ ਪ੍ਰਕਾਰ ਦੀ ਮੰਨਿਆ ਜਾ ਰਿਹਾ ਹੈ ਜੋ ਕਿ ਏਜੈਂਸੀ ਨੇ ਔਕਸਫਰਡ-ਐਸਟ੍ਰਾਜ਼ੈਨਕਾ ਵੈਕਸੀਨ ਦੇ ਲਈ ਜਾਰੀ ਕੀਤੀ ਸੀ।
ਦੋਨਾਂ ਵੈਕਸੀਨ ਨੂੰ ਵਰਤਣ ਵਾਲੇ ਲੋਕਾਂ 'ਚ ਕੁਝ ਨੂੰ ਵਿਲੱਖਣ ਕਿਸਮ ਦੇ 'ਬਲੱਡ ਕਲੌਟ' ਬਣਨ ਦੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਿਆ ਹੈ।
ਕੈਨੇਡਾ 'ਚ ਇਸ ਪ੍ਰਕਾਰ ਦੇ ਬਲੱਡ ਕਲੌਟ ਬਣਨ ਦੇ 7 ਮਾਮਲੇ ਸਾਹਮਣੇ ਆਏ ਹਨ ਜਿਸ 'ਚ ਇੱਕ ਮਾਮਲਾ ਜਾਨਲੇਵਾ ਸਾਬਿਤ ਹੋਇਆ ਸੀ।
24 ਅਪ੍ਰੈਲ ਤੱਕ ਕੈਨੇਡਾ 'ਚ ਔਕਸਫਰਡ-ਐਸਟ੍ਰਾਜ਼ੈਨਕਾ ਵੈਕਸੀਨ ਦੀਆਂ 1.7 ਮਿਲੀਅਨ ਲੋਕਾਂ ਨੂੰ ਵੈਕਸੀਨ ਦੀਆਂ ਪਹਿਲਾਂ ਖੁਰਾਕਾਂ ਹਾਸਿਲ ਹੋ ਚੁੱਕੀਆਂ ਹਨ।
ਹਾਲਾਂਕਿ ਫ਼ਿਲਹਾਲ ਕੈਨੇਡਾ 'ਚ ਜੌਂਸ ਐਂਡ ਜੌਨਸਨ ਵੈਕਸੀਨ ਦੀ ਵਰਤੋਂ ਸ਼ੁਰੂ ਨਹੀਂ ਹੋਈ ਹੈ।
ਕੈਨੇਡਾ ਪਹੁੰਚੀ ਜੌਂਸ ਐਂਡ ਜੌਨਸਨ ਵੈਕਸੀਨ ਦੀ 300,000 ਖੁਰਾਕਾਂ ਦੀ ਸ਼ਿਪਮੈਂਟ ਨੂੰ ਹੋਲਡ 'ਤੇ ਰੱਖਿਆ ਗਿਆ ਹੈ।
ਏਜੈਂਸੀ ਦੀ ਵਾਈਸ-ਚੇਅਰ, ਡਾ. ਸ਼ੈਲੀ ਡੀਕਸ ਦਾ ਕਹਿਣਾ ਸੀ ਕਿ ਜੈਂਸਨ ਵੈਕਸੀਨ ਸੁਰੱਖਿਅਤ ਅਤੇ ਅਸਰਦਾਰ ਹੈ।
ਯਾਦ ਰਹੇ ਏਜੈਂਸੀ ਵੱਲੋਂ ਹੁਣ ਵੀ ਐਮ.ਆਰ.ਐਨ.ਏ. ਵੈਕਸੀਨਸ ਨੂੰ ਤਰਜੀਹ ਦਿੱਤੀ ਜਾ ਰਹੀ ਹੈ।
