11.08C Vancouver 11.08C VancouverJan 19, 2023 1:30 AM - The Canadian Press
ਨਿਊਜ਼ੀਲੈਂਡ ਦੀ ਪ੍ਰਧਾਨ ਮੰਤਰੀ ਜੈਸਿੰਡਾ ਆਰਡਰਨ ਆਪਣੇ ਅਹੁਦੇ ਤੋਂ ਅਸਤੀਫਾ ਦੇ ਰਹੀ ਹਨ।
ਇਸ ਖਬਰ ਦੇ ਅਚਾਨਕ ਸਾਹਮਣੇ ਆਉਣ 'ਤੇ ਲੋਕ ਹੈਰਾਨੀ ਪ੍ਰਗਟਾ ਰਹੇ ਹਨ।
ਸਥਾਨਕ ਸਮੇਂ ਮੁਤਾਬਿਕ ਵੀਰਵਾਰ ਨੂੰ ਹੋਈ ਸਾਲਾਨਾ ਕੌਕਸ ਬੈਠਕ 'ਚ ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ 'I no longer had enough in the tank to do the job', ਮੇਰੇ 'ਚ ਹੁਣ ਇਸ ਜੌਬ ਨੂੰ ਪੂਰਾ ਕਰਨ ਲਈ ਲੋੜ ਮੁਤਾਬਿਕ ਸਮਰੱਥਾ ਨਹੀਂ ਹੈ।
ਉਨ੍ਹਾਂ ਕਿਹਾ ਕਿ ਉਹ ਅਹੁਦਾ ਇਸ ਕਾਰਨ ਛੱਡ ਰਹੀ ਹਨ ਕਿ ਇਸ ਪ੍ਰਕਾਰ ਦੇ ਸਹੂਲਤਾਂ ਵਾਲੇ ਕੰਮ ਦੇ ਨਾਲ ਕੁਝ ਅਹਿਮ ਜ਼ਿੰਮੇਵਾਰੀਆਂ ਵੀ ਮਿਲਦੀਆਂ ਹਨ ਜਿਸ 'ਚ ਇਹ ਵੀ ਸ਼ਾਮਿਲ ਹੈ ਕਿ ਤੁਹਾਨੂੰ ਪਤਾ ਹੋਵੇ ਕਿ ਤੁਸੀਂ ਇਸ ਕੰਮ ਲਈ ਕਦੋਂ ਸਹੀ ਵਿਅਕਤੀ ਹੋ ਅਤੇ ਕਦੋਂ ਨਹੀਂ।
ਉਨ੍ਹਾਂ ਕਿਹਾ ਕਿ ਇਸ ਕੰਮ ਨਾਲ ਇਨਸਾਫ ਕਰਨ ਲਈ ਹੁਣ ਮੇਰੀ ਸਮਰੱਥਾ ਨਹੀਂ ਹੈ।
ਉਨ੍ਹਾਂ ਦੀ ਪ੍ਰਧਾਨ ਮੰਤਰੀ ਦੇ ਤੌਰ 'ਤੇ ਟਰਮ 7 ਫਰਵਰੀ ਨੂੰ ਖਤਮ ਹੋਵੇਗੀ।
ਜੈਸਿੰਡਾ ਆਰਡਰਨ ਦੀ ਉਮਰ 42 ਸਾਲ ਹੈ।
