ਜੀ. ਡੀ. ਪੀ. ਵਿਚ ਗਿਰਾਵਟ ਕਾਰਨ ਮੰਦੀ ਦੀ ਲਪੇਟ ’ਚ ਜਾਪਾਨ

ਜਾਪਾਨ ਦੀ ਜੀ. ਡੀ. ਪੀ. ਵਿਚ ਗਿਰਾਵਟ ਕਾਰਨ ਇਹ ਮੰਦੀ ਦੀ ਲਪੇਟ ਵਿਚ ਆ ਗਿਆ ਹੈ ਅਤੇ ਇਸ ਨੇ ਦੁਨੀਆ ਦੀ ਤੀਜੀ ਸਭ ਤੋਂ ਵੱਡੀ ਅਰਥ ਵਿਵਸਥਾ ਵਜੋਂ ਆਪਣਾ ਸਥਾਨ ਗੁਆ ​​ਦਿੱਤਾ ਹੈ।

ਜਾਪਾਨ ਦੀ ਜੀ.ਡੀ.ਪੀ. ਘੱਟ ਕੇ 4.2 ਟ੍ਰਿਲੀਅਨ ਡਾਲਰ ’ਤੇ ਆ ਗਈ ਹੈ, ਜਦੋਂ ਕਿ ਇਸ ਨੂੰ ਪਛਾੜ ਕੇ ਨੰਬਰ ਤਿੰਨ ’ਤੇ ਪਹੁੰਚੇ ਜਰਮਨੀ ਦੀ ਜੀ.ਡੀ.ਪੀ. ਦਾ ਆਕਾਰ 4.5 ਟ੍ਰਿਲੀਅਨ ਡਾਲਰ ਹੈ। ਮਾਹਰਾਂ ਦਾ ਕਹਿਣਾ ਹੈ ਕਿ ਗ੍ਰੋਥ ਲਈ ਕੋਈ ਪ੍ਰਮੁੱਖ ਕਾਰਕ ਨਾ ਹੋਣ ਦੇ ਚਲਦੇ ਜਾਪਾਨ ਦੀ ਅਰਥ ਵਿਵਸਥਾ ਵਿਚ ਰਫ਼ਤਾਰ ਦੀ ਕਮੀ ਬਣੇ ਰਹਿਣ ਦੀ ਸੰਭਾਵਨਾ ਹੈ।

ਓਧਰ, ਬ੍ਰਿਟੇਨ ਦੀ ਅਰਥ ਵਿਵਸਥਾ ਨੇ ਵੀ 2023 ਦੇ ਅੰਤਿਮ 6 ਮਹੀਨਿਆਂ ਵਿਚ ਮੰਦੀ ਦਾ ਸਾਹਮਣਾ ਕੀਤਾ ਹੈ, ਜਿਸ ਦੇ ਮੱਦੇਨਜ਼ਰ ਪ੍ਰਧਾਨ ਮੰਤਰੀ ਰਿਸ਼ੀ ਸੁਨਕ ਲਈ ਇੱਕ ਚੁਣੌਤੀ ਪੈਦਾ ਹੋ ਗਈ ਹੈ, ਕਿਉਂਕਿ 2024 ਦੇ ਅੰਤ ਵਿਚ ਇਲੈਕਸ਼ਨ ਹੋਣ ਵਾਲੇ ਹਨ।

ਸੁਨਕ ਨੇ ਪਿਛਲੇ ਸਾਲ ਵੋਟਰ ਨਾਲ ਆਰਥਿਕਤਾ ਨੂੰ ਅੱਗੇ ਵਧਾਉਣ ਦਾ ਵਾਅਦਾ ਕੀਤਾ ਸੀ। ਉਨ੍ਹਾਂ ਦੀ ਕੰਜ਼ਰਵੇਟਿਵ ਪਾਰਟੀ ਦਾ ਪਿਛਲੇ ਲੰਮੇ ਸਮੇਂ ਤੋਂ ਬ੍ਰਿਟਿਸ਼ ਰਾਜਨੀਤੀ ’ਤੇ ਦਬਦਬਾ ਹੈ ਪਰ ਓਪੀਨੀਅਨ ਪੋਲ ਅਨੁਸਾਰ, ਮੌਜੂਦਾ ਸਮੇਂ ਅਰਥ ਵਿਵਸਥਾ ਦੇ ਮਾਮਲੇ ਵਿਚ ਲੋਕ ਹੁਣ ਲੇਬਰ ਪਾਰਟੀ ’ਤੇ ਵਧੇਰੇ ਆਸਵੰਦ ਹੋ ਰਹੇ ਹਨ।