ਜੈਸਪਰ ਪਾਰਕ ਹੋਟਲ ਨੂੰ ਜੰਗਲੀ ਅੱਗ ਤੋਂ ਬਚਾਉਣ ਵਾਲੇ ਵਿਅਕਤੀ ਨੂੰ ਕੀਤਾ ਗਿਆ ਸਨਮਾਨਿਤ

ਐਲਬਰਟਾ ਦੇ ਜੈਸਪਰ ਵਿਚ ਪਿਛਲੇ ਸਾਲ ਲੱਗੀ ਭਿਆਨਕ ਜੰਗਲੀ ਅੱਗ ਦੌਰਾਨ ਫੇਅਰਮੋਂਟ ਜੈਸਪਰ ਪਾਰਕ ਹੋਟਲ ਨੂੰ ਬਚਾਉਣ ਵਾਲੇ ਵਿਅਕਤੀ ਨੂੰ ਵਿਸ਼ਵ ਭਰ ਵਿਚ ਸ਼ਲਾਘਾ ਮਿਲ ਰਹੀ ਹੈ ਕਿਉਂਕਿ ਇਸ ਨੂੰ 2025 ਹਿਸਟੋਰਿਕ ਹੋਟਲ ਵਰਲਡਵਾਈਲਡ ਐਨੂਅਲ ਐਵਾਰਡ ਔਫ ਐਕਸੀਲੈਂਸ ਵਿਚ ਥਾਂ ਮਿਲੀ ਹੈ।

ਐਲਬਰਟਾ ਲਾਜ ਦੇ ਜਨਰਲ ਮੈਨੇਜਰ ਗੈਰੇਟ ਟਰਟਾ ਨੇ ਆਪਣੀ ਸਮਝਦਾਰੀ ਨਾਲ ਇਸ ਇਤਿਹਾਸਕ ਹੋਟਲ ਨੂੰ ਅੱਗ ਵਿਚ ਸੜਨ ਤੋਂ ਬਚਾਅ ਲਿਆ। ਜੁਲਾਈ, 2024 ਵਿਚ ਜਦ ਇਲਾਕੇ ਵਿਚ ਜੰਗਲੀ ਅੱਗ ਫੈਲੀ ਤਾਂ ਇੱਥੋਂ 2500 ਦੇ ਕਰੀਬ ਮਹਿਮਾਨ ਅਤੇ ਸਟਾਫ ਮੈਂਬਰ ਇਸ ਨੂੰ ਛੱਡ ਗਏ ਅਤੇ ਇੱਥੇ ਬਚੇ ਇਕ ਵਰਕਰ ਨੂੰ ਉਸ ਨੇ ਹੋਟਲ ਦਾ ਇਰੀਗ੍ਰੇਸ਼ਨ ਸਿਸਟਮ ਚਾਲੂ ਕਰਨ ਲਈ ਕਿਹਾ।

ਪਾਣੀ ਦੇ ਛਿੜਕਾਅ ਨਾਲ ਇੱਥੇ ਨਮੀ ਬਣੀ ਰਹੀ ਅਤੇ ਇਹ ਸੜਨ ਤੋਂ ਬਚ ਗਿਆ। ਹਿਸਟੋਰਿਕ ਹੋਟਲ ਵਰਲਡਵਾਈਲਡ ਵਲੋਂ ਉਸ ਨੂੰ ਹੋਟੈਲੀਅਰ ਔਫ ਦਾ ਯੀਅਰ ਦਾ ਖਿਤਾਬ ਦਿੱਤਾ ਗਿਆ ਹੈ।

ਦੱਸ ਦੇਈਏ ਕਿ ਜੈਸਪਰ ਟਾਊਨ ਵਿਚ ਲੱਗੀ ਭਿਆਨਕ ਜੰਗਲੀ ਅੱਗ ਨੇ ਇੱਥੋਂ ਦੇ ਘਰਾਂ ਅਤੇ ਬਿਜ਼ਨਸਸ ਦੀ ਇਕ-ਤਿਹਾਈ ਪ੍ਰੋਪਰਟੀ ਬਰਬਾਦ ਕਰ ਦਿੱਤੀ ਅਤੇ ਇੱਥੋਂ 25 ਹਜ਼ਾਰ ਤੋਂ ਵੱਧ ਨਿਵਾਸੀਆਂ ਅਤੇ ਵਿਜ਼ਟਰ ਨੂੰ ਕਿਤੇ ਹੋਰ ਸ਼ਰਣ ਲੈਣੀ ਪਈ ਸੀ।