15.34C Vancouver 15.34C VancouverAug 12, 2024 3:38 PM - The Canadian Press
ਐਲਬਰਟਾ ਦੇ ਜੈਸਪਰ ਵਿਚ ਲੱਗੀ ਜੰਗਲੀ ਅੱਗ ਕਾਰਨ ਘਰ ਖਾਲੀ ਕਰਕੇ ਗਏ ਲੋਕਾਂ ਨੂੰ ਮੁੜ ਕਦੋਂ ਤੱਕ ਜਾਣ ਦੀ ਇਜਾਜ਼ਤ ਹੋਵੇਗੀ ਇਸ ਸਬੰਧੀ ਅੱਜ ਜਾਣਕਾਰੀ ਦਿੱਤੀ ਜਾਵੇਗੀ। ਜੈਸਪਰ ਦੇ ਮੇਅਰ ਰਿਚਰਡ ਆਇਰਲੈਂਡ ਰੀ-ਐਂਟਰੀ ਬਾਰੇ ਦੱਸਣਗੇ। ਸ਼ਨੀਵਾਰ ਉਨ੍ਹਾਂ ਦੱਸਿਆ ਕਿ ਨਿਵਾਸੀਆਂ ਦੀ ਰੀ-ਐਂਟਰੀ ਲਈ ਤਿਆਰੀਆਂ ਚੱਲ ਰਹੀਆਂ ਹਨ।
ਦੱਸ ਦਈਏ ਕਿ ਜੰਗਲੀ ਅੱਗ ਕਾਰਨ ਜੈਸਪਰ ਟਾਊਨ ਦੇ 30 ਫੀਸਦੀ ਘਰ ਬੁਰੀ ਤਰ੍ਹਾਂ ਨੁਕਸਾਨੇ ਗਏ ਹਨ ਅਤੇ ਅੱਗ ਅਜੇ ਵੀ ਬੇਕਾਬੂ ਹੈ। ਟਾਊਨ ਦੇ ਉੱਤਰੀ ਕਿਨਾਰੇ ਦਾ 80 ਫੀਸਦੀ ਇਲਾਕਾ ਸੜ ਚੁੱਕਾ ਹੈ। ਅੱਗ ਦਾ ਆਕਾਰ 33,000 ਹੈਕਟੇਅਰ ਦੱਸਿਆ ਜਾਂਦਾ ਹੈ।
ਪਾਰਕ ਕੈਨੇਡਾ ਮੁਤਾਬਕ ਸਟਾਫ ਟਾਊਨ ਵਿਚ ਸੁਵਿਧਾਵਾ ਮੁੜ ਜਾਰੀ ਕਰਨ ਵਿਚ ਲੱਗਾ ਹੈ। ਇਸ ਦ ੇਘਟਨਾ ਕਮਾਂਡਰ ਜੋਨਾਥਨ ਲਾਰਜ ਨੇ ਦੱਸਿਆ ਕਿ ਉਹ ਕਈ ਵਾਰ ਸੁਰੱਖਿਅਤ ਇਲਾਕਿਆਂ ਵਿਚੋਂ ਸਬਜ਼ੀਆਂ ਲੈਣ ਜਾਂਦੇ ਰਹੇ ਹਨ ਅਤੇ ਟਾਊਨ ਦਾ ਬਾਕੀ ਹਿੱਸਾ ਠੀਕ ਹੈ।
ਗ੍ਰੈਂਡੇ ਯੈਲੋਹੈੱਡ ਪਬਲਿਕ ਸਕੂਲ ਡਿਵੀਜ਼ਨ ਵਲੋਂ ਅਗਲੇ ਸਕੂਲ ਸਾਲ ਸਬੰਧੀ ਜਾਣਕਾਰੀ ਦਿੱਤੀ ਜਾਵੇਗੀ। ਇੱਥੋਂ ਜਾਣ ਲਈ ਮਜਬੂਰ ਬੱਚਿਆਂ ਨੂੰ ਸੂਬੇ ਦੇ ਕਿਸੇ ਵੀ ਸਕੂਲ ਵਿਚ ਰਜਿਸਟਰੇਸ਼ਨ ਕਰਵਾਉਣ ਦੀ ਇਜਾਜ਼ਤ ਹੈ।
